რუმინეთში დააკავეს პრეზიდენტობის ყოფილი კანდიდატი, არჩევნების პირველი ტურის გამარჯვებული, რომლის შედეგებიც საკონსტიტუციო სასამართლომ გააუქმა, ნაციონალისტი პოლიტიკოსი კალინ ჯორჯესკუ. ადგილობრივი მედიის ცნობით, დააკავეს მისი თანამოაზრე და მცველი ჰორაციუ პოტრაც. როგორც იტყობინებიან, მისი სახლის ჩხრეკისას აღმოაჩინეს მილიონობით დოლარის ნაღდი ფული, ასევე იარაღი. три პროკურატურის ინფორმაციით, ჩხრეკა დღეს დილით ჩატარდა 47 მისამართზე. ჯორჯესკუ პროკურატურაში წაიყვანეს დაკითხვაზე. ამ დროისთვის ის არ არის ეჭვმიტანილი კამპანიის უკანონო დაფინანსებისა და საარჩევნო კანონმდებლობის სხვა დარღვევის ფაქტზე სისხლის სამართლის საქმეზე, მას მოწმის სტატუსი აქვს. დეკემბერში რუმინეთმა გააუქმა საპრეზიდენტო არჩევნების პირველი ტურის შედეგები მას შემდეგ, რაც რუმინეთის სადაზვერვო სამსახურებმა გამოაქვეყნეს დოკუმენტები, რომლებიც ცხადყოფს, რომ მოსკოვი პოპულარიზაციაში ეხმარებოდა კალინ ჯორჯესკუს, რომელმაც მოულოდნელად გაიმარჯვა რბოლაში. გენერალური პროკურატურა მისი საარჩევნო კამპანიის დროს შესაძლო მანიპულაციებსა და ფულის გათეთრებას იძიებს. ქვეყნის სადაზვერვო სამსახურების ინფორმაციით, პოლიტიკოსს, რომელიც პრორუსულად მიიჩნევა, წინასაარჩევნო კამპანიის დროს მხარს უჭერდა ათიათასობით TikTok-ის ანგარიშები. სოციალურმა ქსელმა აცნობა რუმინეთის ხელისუფლებას, რომ მან გამოავლინა მომხმარებელთა პოტენციური ქსელი, რომლებიც მონაწილეობდნენ წინასაარჩევნო კონტექსტში საზოგადოებრივი აზრის მანიპულირებისკენ მიმართულ ქმედებებში, ასევე ქსელი ანგარიშებისა, რომლებიც დაკავშირებული არიან რუსულ სახელმწიფო მედიასაშუალება Sputnik-თან. ასევე ნახეთ ბულგარული კვალი რუმინეთის საპრეზიდენტო არჩევნებზე ჰიბრიდულ თავდასხმაში ...