“უკრაინა და მისი დემოკრატიულად არჩეული ლიდერები იმსახურებენ სრულ პატივისცემასა და მხარდაჭერას”, - წერს ფინეთის პრეზიდენტი ალექსანდერ სტუბი პლატფორმა X-ზე. три სტუბი აღნიშნავს ასევე, რომ „უკრაინა იბრძვის არა მხოლოდ საკუთარი დამოუკიდებლობისთვის, სუვერენიტეტისა და ტერიტორიული მთლიანობისთვის, არამედ ევროპული უსაფრთხოებისთვის, თავისუფლებისთვის და კანონებზე დაფუძნებული მსოფლიო წესრიგისთვის“. უკრაინელების გმირულ ბრძოლას რუსეთის აგრესიის წინააღმდეგ სტუბი განიხილავს უკრაინის, როგორც ერის ყოფნა-არყოფნის საკითხად და ამატებს, რომ ფინეთში კარგად ესმით, რა გზას გადის უკრაინა ახლა. ფინეთის პრეზიდენტს, ასევე პლატფორმა X-ზე, მადლობას უხდის უკრაინის პრეზიდენტი ვოლოდიმირ ზელენსკი. უკრაინისა და უკრაინელი ხალხის მიმართ სოლიდარობას აქტიურად გამოხატავენ დასავლელი ლიდერები, თეთრ სახლში, პრეზიდენტ ტრამპსა და პრეზიდენტ ზელენსკის სიტყვიერი დაპირისპირების შემდეგ. უკრაინის პრეზიდენტი უკვე ჩავიდა ლონდონში, სადაც კვირას ევროპელი ლიდერების სამიტი იგეგმება. 28 თებერვალს, აშშ-ის პრეზიდენტი დონალდ ტრამპი და უკრაინის პრეზიდენტი ვოლოდიმირ ზელენსკი ერთმანეთს სიტყვიერად დაუპირისპირდნენ, ომის შეწყვეტის თემაზე. პრეზიდენტ ზელენსკის რუსეთთან ომის დამთავრება სამშვიდობო გარანტიების გარეშე არ წარმოუდგენია. აშშ მას სამშვიდობო გარანტიებს არ აძლევს. ასევე ნახეთ აშშ-ის სახელმწიფო მდივანი: ზელენსკიმ ბოდიში უნდა მოიხადოს "ფიასკოსთვის" ასევე ნახეთ ტრამპი: ზელენსკის შეუძლია თეთრ სახლში დაბრუნდეს, როცა მზად იქნება მშვიდობისთვის შელაპარაკების დროს, დონალდ ტრამპმა ვოლოდიმირ ზელენსკის უთხრა, რომ - ომი რაც შეიძლება სწრაფად უნდა დასრულდეს. ოვალურ კაბინეტში, ტრამპისა და ზელენსკის შელაპარაკების შემდეგ გაუქმდა ერთობლივი პრესკონფერენცია და ხელმოუწერელი დარჩა წინასწარ მომზადებული შეთანხმება - უკრაინული სასარგებლო წიაღისეულისა და რეკონსტრუქციის საინვესტიციო ფონდის შექმნის შესახებ. Fox News-ი თეთრი სახლის ოფიციალურ პირზე დაყრდნობით იუწყება ტრამპის მიერ უკრაინის პრეზიდენტისთვის ნათქვამ სიტყვებს, რომ მას თეთრი სახლი უნდა დაეტოვებინა. ...