„ცოტათი ნუ გავუსწრებთ წინ [მოვლენებს], ჩვენ ამის გაკეთება არ გვსურს. გუშინ პრესასთან, [სახელმწიფო მდივან მარკო] რუბიოსთან და [აშშ-ის პრეზიდენტის მრჩეველთან ეროვნული უსაფრთხოების საკითხებში მაიკ] უოლცთან ურთიერთობაში განაცხადეს, რომ სხვადასხვა არხით მოგვაწვდიან დეტალურ ინფორმაციას ჯიდაში შემდგარი საუბრის არსზე“, - ციტირებს პესკოვს რუსეთის სახელმწიფო საინფორმაციო სააგენტო "ტასსი".მისი სიტყვებით, უახლოეს დღეებში კრემლს აშშ-სთან კონტაქტი აქვს დაგეგმილი, რომლის ფარგლებშიც, რუსეთის ხელისუფლებას, სრული ინფორმაციის მიღების მოლოდინი აქვს. ასევე ნახეთ „ბურთი ახლა რუსეთის მოედანზეა“ - აშშ უკრაინის დახმარებას აგრძელებს პესკოვმა თქვა, რომ ამჟამად მოსკოვსა და ვაშინგტონს შორის არ არსებობს შეთანხმება პრეზიდენტებს ვლადიმირ პუტინსა და დონალდ ტრამპს შორის სატელეფონო საუბართან დაკავშირებით, მისი მტკიცებით, მსგავსი შეთავაზება ვაშინგტონიდან არ მიუღიათ, ამასთან კრემლში მსგავსი საუბრის შესაძლებლობას არ გამორიცხავენ.11 მარტს საუდის არაბეთში უკრაინისა და აშშ-ს წარმომადგენლების შეხვედრის შემდეგ ცნობილი გახდა, რომ კიევი ვაშინგტონის წინადადებას დათანხმდა 30-დღიანი ცეცხლის შეწყვეტის შესახებ. უკრაინის პრეზიდენტის ოფისში განაცხადეს, რომ დროებითი ცეცხლის შეწყვეტის დეტალებზე მსჯელობა 17 მარტის შემდეგ დაიწყება.ქალაქ ჯიდაში გამართული მოლაპარაკებებიდან მალევე, აშშ-ის პრეზიდენტმა დონალდ ტრამპმა განაცხადა, რომ რუსული და ამერიკული მხარეები უახლოეს მომავალში შეხვდებიან ცეცხლის შეწყვეტის შესახებ საკითხის განსახილველად.აშშ-ის პრეზიდენტმა განაცხადა ასევე, რუსეთის პრეზიდენტ ვლადიმირ პუტინთან ამ კვირაში მოსალოდნელი სატელეფონო საუბრის შესახებ. ასევე ნახეთ ტრამპი: აშშ და რუსეთი "დღეს ან ხვალ" გამართავენ მოლაპარაკებას უკრაინის თაობაზე რუსეთისა და აშშ-ის საგარეო დაზვერვის სამსახურების ხელმძღვანელებმა ტელეფონით ისაუბრეს კიევი დათანხმდა აშშ-ის წინადადებას 30 დღით ცეცხლის დაუყოვნებლივ შეწყვეტის შესახებ ევროკავშირი მიესალმება აშშ-უკრაინის მოლაპარაკების შედეგებს აშშ-ის სამხედრო დახმარებამ განაახლა მოძრაობა პოლონეთ-უკრაინის საზღვარზე ...