ბოსნია-ჰერცეგოვინის პროკურატურამ პოლიციისგან მოითხოვა, დაკითხვისთვის დააკავოს ბოსნია-ჰერცეგოვინის ავტონომიის, რეპუბლიკა სრპსკას ხელმძღვანელი მილორად დოდიკი, ასევე პრემიერ-მინისტრი რადოვან ვისკოვიჩი და ეროვნული ასამბლეის თავმჯდომარე ნენად სტევანდიჩი, მილორად დოდიკი. ამის შესახებ რადიო თავისუფლების ბალკანური სამსახური იტყობინება.პროკურატურის განჩინებაში ნათქვამია, რომ ისინი ეჭვმიტანილი არიან „კონსტიტუციური წესრიგის ხელყოფაში“.მილორად დოდიკი იმყოფება ქალაქ ბანია-ლუკაში, რეპუბლიკა სრპსკას ადმინისტრაციულ ცენტრში. პრესკონფერენციაზე მან განაცხადა, რომ პროკურატურის მოთხოვნას არ უპასუხებს. „აქ აგვიყვანეთ და ნახეთ, როგორ გააკეთებთ ამას“, თქვა მან.დოდიკმა თქვა, რომ მალე რუსეთში მაღალი დონის შეხვედრას გამართავს და ბოსნია-ჰერცეგოვინაში ევროპული ჯარების ყოფნაზე ვეტოს დადებას მოითხოვს, თუმცა მისი თქმით, ამას აქამდე არ ეწინააღმდეგებოდა. მან ხაზგასმით აღნიშნა, რომ არ არის საჭირო შეშფოთება და დასძინა, რომ „არ არსებობს ისეთი დარტყმა, რომლის გადატანისთვისაც ის არ იქნებოდა მზად რეპუბლიკა სრპსკას გულისთვის“.თებერვალში ბოსნია-ჰერცეგოვინის სასამართლომ დოდიკს დაუსწრებლად მიუსაჯა ერთი წლით თავისუფლების აღკვეთა და ექვსი წლით აუკრძალა პოლიტიკაში მონაწილეობა გაეროს წარმომადგენლის გადაწყვეტილებების შეუსრულებლობასთან დაკავშირებული საქმის გამო. მას ბრალი ედება 2023 წელს კანონების ხელმოწერაში, რომლებიც აჩერებდნენ ბოსნია-ჰერცეგოვინის საკონსტიტუციო სასამართლოსა და ბოსნია-ჰერცეგოვინაში გაეროს უმაღლესი წარმომადგენლის, კრისტიან შმიდტის გადაწყვეტილებებს. თავად დოდიკი სასამართლო პროცესს არ დასწრებია.მილორად დოდიკს აშშ-ისა და დიდი ბრიტანეთის სანქციები აქვს დაწესებული. შეერთებულმა შტატებმა ის კორუფციაში და ბოსნია-ჰერცეგოვინის სტაბილურობისა და ტერიტორიული მთლიანობისთვის საფრთხის შექმნაში დაადანაშაულა რეპუბლიკა სრპსკას პარალელური ინსტიტუტების ჩამოყალიბებით. აშშ-ის ფინანსთა სამინისტროს განცხადებაში აღნიშნულია, რომ დოდიკის ქმედებები „ძირს უთხრის დეიტონის სამშვიდობო შეთანხმებას, რითაც ქმნის უფრო ფართო რეგიონული არასტაბილურობის საფრთხეს“. ასევე ნახეთ სასამართლომ ერთი წლით პატიმრობა მიუსაჯა რეპუბლიკა სრპსკას ლიდერს, მილორად დოდიკს ...