19 მარტს გავრცელებულ განცხადებაში ქარტია მიუთითებს, რომ რადიო თავისუფლება 75 წელზე მეტია, მიუკერძოებელი ახალი ამბებისა და სანდო ანალიზის მთავარი წყაროა მილიონობით ადამიანისთვის ევროპის, ცენტრალური აზიისა და ახლო აღმოსავლეთის იმ ქვეყნებში, სადაც მათ მთავრობები ინფორმაციაზე წვდომას უზღუდავენ.„საქართველოში „რადიო თავისუფლების“ როლი სრულიად განსაკუთრებულია. დამოუკიდებლობის მოპოვების შემდგომ შესაძლებელი გახდა თბილისში ადგილობრივი ბიუროს გახსნა, რომელიც მალევე იქცა ადგილობრივი მედიალანდშაფტის ორგანულ და მნიშვნელოვან ნაწილად. „რადიო თავისუფლების“ ქართული რედაქცია ადგილობრივი მედიასაშუალებების მხარდამხარ წერს თანამედროვე ქართული მედიის ისტორიას“, - მიაჩნია ეთიკის ქარტიას.„საქართველოში მედიას წლებია, უკიდურესად პოლარიზებულ, ღიად მტრულ და დამთრგუნველ გარემოში უწევს მუშაობა. „რადიო თავისუფლებამ“ ამ რთულ პირობებშიც კი შეძლო მაღალი პროფესიული სტანდარტის დამკვიდრება, ჩამოყალიბდა პროფესიის მეტრად, რომელზეც ჟურნალისტთა თაობები იზრდებიან და რომელზეც სხვა ქართულ მედიასაშუალებებს აქვთ სწორება“, - წერია ქარტიის განცხადებაში. три ორგანიზაციის თანახმად, რადიო თავისუფლება ქმნის სივრცეს თავისუფალი აზრისა და შინაარსიანი დებატებისათვის, ჟურნალისტები რადიო თავისუფლებიდან რეგულარულად იღებენ პროფესიულ ჯილდოებს საუკეთესო ნამუშევრებისთვის; რადიო თავისუფლება იზიდავს ახალგაზრდებს სოციალურ მედიაში განთავსებული მრავალფეროვანი ჟურნალისტური ნამუშევრებით.„ქართული მედიასაშუალებები „ქართული ოცნების“ დამაზიანებელი ქმედებების შედეგად დახურვის, ხოლო ქართული საზოგადოება “ქართული ოცნების” მიერ შექმნილი პროპაგანდისტული საინფორმაციო ინფრასტრუქტურის პირისპირ დარჩენის საფრთხის წინაშე არიან. ამ ფონზე კიდევ უფრო იზრდება “რადიო თავისუფლების” როლი და მისია. „რადიო თავისუფლების“ გარეშე მედია საქართველოში უკიდურესად გაღარიბდება, დაიკარგება საზოგადოების მრავალფეროვანი ხმები“, - აცხადებს ქარტია.ორგანიზაცია წერს იმასაც, რომ თხოვნით მიმართავს ევროპული ქვეყნების მთავრობებს და კერძო ფონდებს, "გამონახონ რესურსები "რადიო თავისუფლების" შესანარჩუნებლად იმ საზოგადოებებისათვის მრავალ ქვეყანაში, რომელთათვისაც ის იმედი და საყრდენია და რომელთა ისედაც რთული ყოველდღიურობა „რადიო თავისუფლების“ გარეშე კიდევ უფრო დამძიმდება". ასევე ნახეთ რადიო თავისუფლებამ აშშ-ის გლობალური მედიის სააგენტოს სასამართლოში უჩივლა რადიო თავისუფლებამ სასამართლოს მიმართარადიო თავისუფალი ევროპა/რადიო თავისუფლებამ (RFE/RL) 18 მარტს სასამართლოში უჩივლა შეერთებული შტატების გლობალური მედიის სააგენტოს (USAGM) და მის თანამდებობის პირებს, კერი ლეიკს და ვიქტორ მორალესს, რათა დაბლოკოს მათი მცდელობა, შეწყდეს აშშ-ის კონგრესის...