ევროკავშირი გააგრძელებს კიევის ფინანსურ და სამხედრო დახმარებას, მხარს უჭერს უკრაინის დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და მოითხოვს, რომ რუსეთმა უნდა გამოავლინოს „ნამდვილი პოლიტიკური ნება ომის დასასრულებლად“. ამის შესახებ ნათქვამია ევროკავშირის 27 ლიდერის სამიტის შედეგების პროექტში. სამიტი 20 მარტს გაიმართება ბრიუსელში. რადიო თავისუფლებამ შეძლო, გასცნობოდა დოკუმენტის ტექსტს.დოკუმენტი ხაზს უსვამს სტრატეგიას „მშვიდობა ძალის მეშვეობით“, რომელიც ითვალისწინებს უკრაინის თავდაცვისუნარიანობის გაძლიერებას საკუთარი ძლიერი სამხედრო რესურსებით და თავდაცვის სექტორის რეგულარულად დაფინანსებით.კომუნიკეს პროექტი გვთავაზობს სასწრაფო სამხედრო დახმარებას „დიდი შვიდეულის“ (G7) ინიციატივის, ERA-ს (ექსტრაორდინარული შემოსავლების დაჩქარება) ფარგლებში, რომელიც ითვალისწინებს უკრაინის 50 მილიარდი დოლარის ფარგლებში დახმარებას გაყინული რუსული აქტივებიდან მიღებული შემოსავლების ხარჯზე.ამავე დროს კომუნიკეში ნახსენებია ევროპის კავშირის საგარეო და უსაფრთხოების პოლიტიკის ხელმძღვანელის, კაია კალასის ინიციატივა, რომელიც ითვალისწინებს უკრაინის დახმარებას 40 მილიარდი ევროთი. ანუ ამ მომენტში ის არ არის დასრულებული და მისი დამტკიცება არც ამ სამიტზეა მოსალოდნელი. ევროკავშირის ერთ-ერთმა დიპლომატმა, რომელიც არ არის უფლებამოსილი, მედიასთან ოფიციალური კომენტარი გააკეთოს, Current Time-თან საუბარში აღნიშნა, რომ ინიციატივა „ნამდვილად არ არის დამარხული“, მაგრამ „არის სირთულეები“ და „დამატებითი სამუშაოა საჭირო“.სამიტის შედეგებში ასევე ნახსენებია უკრაინის უსაფრთხოების გარანტიები, რომლებიც უნდა ახლდეს სამომავლო სამშვიდობო შეთანხმებას. „ევროპის საბჭო მიესალმება ამ მიმართულებით დაწყებულ ძალისხმევას ნატოში თანამოაზრეებთან და პარტნიორებთან ერთად“, ნათქვამია დოკუმენტის პროექტში. ეს ეხება პოტენციურ სამშვიდობო მისიას უკრაინაში, რომელიც პირველად ოფიციალურად განიხილეს ევროკავშირის დონეზე 6 მარტს.სამშვიდობო მისიის არსებითი განხილვა ამ სამიტზე არ გაიმართება, განუცხადა Current Time-ს ევროკავშირის მაღალჩინოსანმა.„ჯერ კიდევ ბევრი გარემოებაა, რომელიც უნდა დაზუსტდეს ამ ტიპის მისიისთვის. უპირველეს ყოვლისა, ნებისმიერი მისია, ნებისმიერი მომავალი მისია უნდა იყოს მორგებული იმაზე, თუ რა არის სამშვიდობო შეთანხმება, ან როგორი შეიძლება იყოს მომავალი სამშვიდობო შეთანხმება და რას ითვალისწინებს იგი, და მხოლოდ ამ კონტექსტში შეიძლება მისი განსაზღვრა“, განმარტა ევროკავშირის ოფიციალურმა წარმომადგენელმა და დასძინა, რომ ტექნიკური დეტალები უკვე მუშავდება თავდაცვითი შტაბების უფროსთა დონეზე იმ ქვეყნების კოალიციაში, რომელთაც სურთ მისიაში მონაწილეობა.„გასულ სამშაბათს შედგა შტაბის უფროსებ...