ნიკურაძე ყოვედლღიურად აშუქებს დედაქალაქში მიმდინარე პროევროპულ აქციებს, რომლის მთავარი მოთხოვნებიც ახალი არჩევნების ჩატარება და სისხლის სამართლის წესით დაკავებული ადამიანების გათავისუფლებაა.ისე, როგორც სხვა დღეებში, 11 და 15 მარტსაც ის ჟურნალისტურ საქმიანობას ასრულებდა, ეკეთა პრესის აღმნიშვნელი ნიშანი და ჰქონდა ფოტოკამერა, თუმცა პოლიციამ მაინც დააჯარიმა.„როცა აქციებზე ვარ, ყოველთვის ჟურნალისტურ საქმიანობას ვასრულებ. ახლაც მეკეთა პრეს კარტა, მქონდა კამერაც...“ - უთხრა მარიამ ნიკურაძემ რადიო თავისუფლებას.„ევროკავშირის პრიზი ჟურნალისტიკაში 2024​“-ის ერთ-ერთი გამარჯვებულია. ის 2024 წლის დეკემბერში საქართველოს მეხუთე პრეზიდენტმა, სალომე ზურაბიშვილმა სამოქალაქო თავდადებისთვის, განსაკუთრებული მოქალაქეობრივი პასუხისმგებლობისა და პიროვნული მამაცობისთვის დააჯილდოვა.პროევროპული აქციები საქართველოში 2024 წლის 28 ნოემბრის შემდეგ უწყვეტად იმართება. ხალხმრავალი აქციები გამოიწვია „ქართულ ოცნებაში“ მიღებულმა გადაწყვეტილებამ, რომლის მიხედვითაც, „2028 წლამდე“ დღის წესრიგში აღარ დააყენებდნენ ევროკავშირთან გაწევრებაზე მოლაპარაკებების გახსნის საკითხს.აქციების დაწყების შემდეგ, დემონსტრაციების შესაზღუდად „ქართულმა ოცნებამ“ კანონები გაამკაცრა - შეკრებებზე აკრძალა ლაზერებისა გამოყენება და სახის დაფარვა, გაზარდა ჯარიმები გზის გადაკეტვასა და პოლიციელის მოთხოვნის დაუმორჩილებლობისთვის. ასევე 15-დან 60 დღემდე გაზარდა ადმინისტრაციული პატიმრობის ვადაც.პოლიციამ დააჯარიმა ათეულობით ადამიანი, მათ შორის ჟურნალისტებიც. ჟურნალისტების ნაწილს შინაგან საქმეთა სამინისტრომ საჯარიმო ქვითრები გაუუქმა. დაჯარიმებულთა შორის არიან რადიო თავისუფლების ჟურნალისტები. მათგან გელა ბოჩიკაშვილის განცხადების განხილვის ვადა ერთი თვიდან სამ თვემდე გაახანგრძლივეს. ...