იგი აშშ-ის მიერ საქართველოსთან სტრატეგიული თანამშრომლობის გაწყვეტას მიიჩნევს „დიდ ნაბიჯად დეკოლონიზაციის გზაზე“; ასევე, აცხადებს, რომ საჭიროა, საქართველო რეგიონულ „3+3“ ფორმატში უნდა ჩაერთოს. ყაველაშვილს ჯერჯერობით მხოლოდ ერთი მრჩეველი ჰყავს - საერთაშორისო ურთიერთობის მიმართულებით - და მას ყოველთვიურად 6424 ლარს უხდიან სახელმწიფო ბიუჯეტიდან.ინფორმაცია, რომელიც თავდაპირველად გამოცემა BMG-მ გაავრცელა გამოთხოვილ საჯარო ინფორმაციაზე დაყრდნობით, რადიო თავისუფლებას ყაველაშვილის ადმინისტრაციაში დაუდასტურეს.ვინ არის ყაველაშვილის მრჩეველიპრესცენტრში ასევე დაგვიდასტურეს, რომ მიხეილ ყაველაშვილის მრჩეველი საერთაშორისო ურთიერთობებში არის ლუკა ეხვაია.ის არის პოლიტიკის მეცნიერებების დოქტორი (ლაიფციგის უნივერსიტეტიდან), ანალიტიკოსი, რომელიც დაახლოებით ორი წელიწადია, სოციალურ ქსელ ტიკ-ტოკზე ამუშავებს არხს სახელით „ფუკოს ქანქარა“.ამ არხს 2025 წლის 20 მარტისათვის 45700-ზე მეტი გამომწერი ჰყავს.три „ახალი საგარეო პოლიტიკის დოქტრინა“USAID-ის, NED-ისა და შემდეგ „ამერიკის ხმისა“ და რადიო თავისუფლებისათვის დაფინანსების შეწყვეტას ეხვაია ფეისბუკზე 16 მარტს ასე გამოეხმაურა:„ეს ნაბიჯი იმ კულტურული ჰეგემონიური პროექტის დასასრულია, რომლის აგენტებიც საქართველოში ოთხ ათწლეულზე მეტია, რაც ისტორიის გადაწერის, ახალი ქცევითი ნორმების დამკვიდრებისა და ახალი ადამიანის გამოყვანის პროექტს ახორციელებდნენ“;„ეს ორგანიზაციები და მათ მიერ შემუშავებული კულტურული ჰეგემონიური პროექტი თავს გვახვევდნენ ბინარულ აზროვნებას... მათი პროექციით, ერთ მხარეს იყო პროგრესული, ცივილიზებული, დემოკრატიული და თავისუფალი სამყარო, მეორე მხარეს - დიქტატურა, ბარბაროსები და ჩამორჩენილი ბნელები“.9 მარტს „ფუკოს ქანქარაზე“ გამოქვეყნებულ პოსტში კი იგი წერს, რომ „ევროპის კონტინენტი, აშშ და ჩინეთი, მთელი ახლო აღმოსავლეთი ომის ზღვარზეა“.„მაშინ, როცა მთელი მსოფლიო ცეცხლს ეთამაშება, ჩვენნაირი ქვეყნისთვის ერთადერთი სწორი გამოსავალი ამ მოვლენების სიღრმისეული შესწავლა და ქვეყნისთვის ახალი საგარეო პოლიტიკის დოქტრინის შემუშავებაა“, - ამბობს ის.2024 წლის 30 ნოემბერს, მას შემდეგ, რაც აშშ-მა საქართველოსთან სტრატეგიული პარტნიორობა შეაჩერა ანტიევროპული ნაბიჯებისა და დემონსტრანტების დარბევის გამო, მან დაწერა:„მეგობრებო, ნამდვილო ქართველებო, გილოცავთ, დღეს კიდევ ერთი დიდი ნაბიჯი გადავდგით დეკოლონიზაციისა და დამოუკიდებლობის გზაზე, თანამედროვე სამყაროს უდიდესმა იმპერიამ და დაღმავალმა ჰეგემონიურმა ძალამ - აშშ-მა ჩვენთან სტრატეგიული პარტნიორობის ხელშეკრულება შეაჩერა, რითაც დამოუკიდებელი საქართველოს ისტორიის ახალი ფურცელი გადაიშალა“.ლუკა ეხვაიას გარდა, ტიკტოკ-არხ „ფუკოს ქანქარის“ თანაავტორი ამჟამად არის ილია ლობჟანიძე.ორივე მათგანი სტუმრობს პრორუსუ...