მსვლელობაში, რომელიც აშშ-ის სენატში ინიციირებული „MEGOBARI აქტის“ მხარდასაჭერად გაიმართა, მონაწილეობა მიიღეს სხვადასხვა პოლიტიკური პარტიისა და საზოგადოებრივი მოძრაობის წარმომადგენლებმა."საქართველოს გაუმარჯოს", "საქართველოსა და ამერიკის მეგობრობას-გაუმარჯოს", - სკანდირებდნენ აქციის მონაწილეები, რომლებსაც ასევე მიჰქონდათ საქართველოსა და ამერიკის შეერთებული შტატების დროშები, სხვადასხვა შინაარსის ბანერები, აშშ-ს პრეზიდენტის დონალდ ტრამპის, სენატორ ჯიმ რიშისა და სხვა სენატორების ფოტოები.„MEGOBARI აქტში“, ფაქტობრივად, მოცემულია ის ყველაფერი, რასაც ქართველი ხალხი ითხოვს - მეტი დემოკრატია, თავისუფალი არჩევნები, თავისუფალი და დამოუკიდებელი სასამართლო, პოლიტპატიმრების გათავისუფლება. ამიტომ, აქტის მიღება ძალიან კარგია ჩვენი ქვეყნისთვის, - განაცხადა მსვლელობის ერთ-ერთმა ორგანიზატორმა, „საერთაშორისო გამჭვირვალობა-საქართველოს“ ხელმძღვანელმა, ეკა გიგაურმა. три მისი თქმით, „MEGOBARI აქტში“ ასევე საუბარია იმაზე, რომ უნდა დადგეს იმ პირთა პასუხისმგებლობა, რომლებიც ძირს უთხრიან ქართულ დემოკრატიას:„ვფიქრობ, რა თქმა უნდა, მნიშვნელოვანია გამოვხატოთ ამერიკელი ხალხის მხარდაჭერა იმიტომ, რომ ისინი ძალიან დიდი ხნის განმავლობაში უჭერენ მხარს ქართველ ხალხს, ქართველი ხალხის ბრძოლას დემოკრატიისთვის, ქართველი ხალხის ბრძოლას რუსეთის წინააღმდეგ, ჩინეთის და ირანის გავლენების წინააღმდეგ. ამიტომ, მნიშვნელოვანია, რომ ეს გვახსოვდეს. აქტის მიღება ერთის მხრივ, ძალიან კარგია ჩვენი ქვეყნისთვის იმიტომ, რომ აქ არის კონკრეტული მხარდაჭერა, მათ შორის ეკონომიკური კუთხით მხარდაჭერა თანამშრომლობის მიმართულებით, ასევე განათლების ნაწილში, თავდაცვისუნარიანობის გაზრდის ნაწილში, მაგრამ ამავდროულად, აქ საუბარია იმაზე, რომ იმ პირების პასუხისმგებლობა დადგეს, რომლებიც ძირს უთხრიან ქართულ დემოკრატიას და მოქმედებენ რუსეთის ინტერესების შესაბამისად“. ასევე ნახეთ ჯო უილსონი: „აშშ გვერდით უდგას საქართველოს!“ ასევე ნახეთ სენატორებმა რიშმა და შაჰინმა MEGOBARI Act-ი წარადგინეს „სტრატეგია აღმაშენებლის“ ლიდერის, გიორგი ვაშაძის თქმით კი, „MEGOBARI აქტის“ მიღება მოიტანს „ქართული ოცნების“ ლიდერებისა და ივანიშვილის მეტ იზოლაციას, საქართველოს მეტ ინტეგრაციას ამერიკასთან, რაც საქართველოსთვის ნიშნავს დაცულობას, განვითარებას და წინსვლას.„თუ მარტო დავრჩებით ძალიან მარტივი იქნება ჩვენი დამონება, ამიტომ გვინდა ჩვენ მეგობრობა ამერიკასთან და ჩავთვალოთ, ეს არის ამერიკის მეგობრობის მხარდაჭერის მსვლელობა. ეს „მეგობრობის აქტი“ საქართველოს სჭირდება. ჩვენ ბევრი გვყავს ამერიკაში, ევროპაში და მათაც სჭირდებათ ჩვენგან გამხნევება ჩვენი აქციებით, ჩვენი მოქმედებით, ჩვენი ხმამაღალი სიტყვით, რომ ...