როგორც ჟურნალისტი რადიო თავისუფლებას უამბობს, არის საზოგადოებრივი მაუწყებლის დილის გადაცემის შტატიანი თანამშრომელი, - და კონტრაქტი დღემდე არ გაუწყვეტიათ მასთან, თუმცა ეთერს ჩამოაშორეს ისე, რომ მიზეზი არ განუმარტავთ.მისი მონათხრობის თანახმად, დილის გადაცემა რამდენიმე თვის წინ დაიხურა, რის საფუძვლადაც სახელდებოდა ტელევიზიის ახალ შენობაში გადასვლა, ხოლო ის და მისი თანამშრომლები ხელშეკრულების დანართის საფუძველზე გადაიყვანეს რადიოში:„რადიოში, სიუჟეტებთან ერთად, დამიტოვეს ჩემი რუბრიკა ცხოველებზე, რაც დილის გადაცემაში მქონდა. რამდენიმე თვე ვიყავი ამ რადიოში. თუმცა შემდეგ თანამშრომლებმა ისე დაიწყეს დილის გადაცემის დასაგეგმად შეკრებები, ისე დაიწყო საუბრები, რომ „დილა“ უნდა გავიდეს ეთერში, რომ ჩემთვის არც უთქვამთ“, - ამბობს ჟურნალისტი.ანი ჯობავას თქმით, დაახლოებით თებერვლის შუა რიცხვებში შემთხვევით შეიტყო, რომ მსგავსი თათბირები იმართებოდა: „ერთ დღეს, სულ შემთხვევით, ჩემი კოლეგისგან, რომელიც ასევე დილის გადაცემის ჟურნალისტი იყო, უბრალოდ მომივიდა „მესიჯი“, დღეს თათბირზე არ მოდიხარო? მე არც ვიცოდი, რომ ეს თათბირი იმართებოდა საერთოდ“. три როგორც ჟურნალისტი რადიო თავისუფლებას ეუბნება, ამის შემდეგ სცადა გარკვევა, თუ რატომ არ ეძახოდნენ თათბირებზე, რატომ არ გეგმავდნენ გადაცემას მასთან ერთადაც.„ამ ამბების მერე მოხდა ისე, რომ აი, „ორ-სამ დღეში გავარკვევ რა მოხდება“, მივიღე უფროსისგან პასუხი. ორი-სამი დღე გავიდა. როგორც მახსოვს, 26 თებერვალს, ვიკითხე მეორედ, გაირკვა თუ არა რამე. მითხრეს, რომ ახლაც ვარკვევთო. თუმცა პარალელურად ისევ მიდის თათბირები, მიდის დაგეგმვა ეთერის. აი, დღეს-ხვალ უკვე ეთერშიც გავლენ“.ჟურნალისტის თქმით, ოფიციალური წერილითაც მისწერა გენერალურ დირექტორს, რომელმაც გადაამისამართა მიმართულების ხელმძღვანელთან, რომელსაც ასევე მიმართა წერილით, თუმცა პასუხი არ მიუღია: „რა თქმა უნდა, დუმილია და აი, ამ ეტაპზე ვარ ახლა“.როგორც ის ამბობს, რომ ფორმალურად ჯერ კონტრაქტი არ შეუწყვიტავთ, თუმცა „აქ მთავარი ამბავი ის არის, რომ ჩამხსნეს, მაგრამ რატომ და რის გამო, ამას არავინ არ მეუბნება“.ანი ჯობავა ამ გადაწყვეტილებას პოლიტიკურ მოტივებს უკავშირებს თავისი საზოგადოებრივი პოზიციების გამო:ფეისბუკზე საჯარო პოსტებში ღიად უჭერს მხარს პატიმრობაში მყოფ მედიამენეჯერს, „ბათუმელებისა“ და „ნეტგაზეთის“ დამფუძნებელ მზია ამაღლობელს, რომელსაც უფლებადამცველები, ევროკავშირი და მისი წევრი არაერთი ქვეყნის მთავრობა პოლიტპატიმრად მიიჩნევენ;მხარს უჭერს ტელეწამყვან ვასილ ივანოვ-ჩიქოვანს, რომელიც მაუწყებლის „ქართული ოცნებისადმი“ ლოიალურ სარედაქციო პოლიტიკას აკრიტიკებდა და რის გამოც ეთერიდან მოხსნეს, 21 მარტს კი ბორდის წევრებმა საქმის „პროკურატურისათვის გადაცემა“ მოითხოვეს;არის „საზოგადოებრივი მაუწყებლი...