საუდის არაბეთის დედაქალაქ ერ-რიადში დაიწყო აშშ-ისა და რუსეთის წარმომადგენლების შეხვედრა. ამის შესახებ რუსეთის სახელმწიფო სააგენტო „ტასი“ და ტელეარხი Al Arabiya იუწყებიან.მოლაპარაკება სასტუმრო Ritz Carlton-ში მიმდინარეობს.„ტასის“ ცნობით, რუსეთის დელეგაციაში არიან ფედერაციის საბჭოს საერთაშორისო საქმეთა კომიტეტის თავმჯდომარე გრიგორი კარასინი და უშიშროების ფედერალური სამსახურის დირექტორის მრჩეველი სერგეი ბესედა, ხოლო აშშ-ს წარმოადგენენ სახელმწიფო დეპარტამენტის მაღალჩინოსანი მაიკლ ენტონი და ეროვნული უსაფრთხოების საკითხებში თეთრი სახლის მრჩევლის, მაიკ უოლცის და უკრაინის და რუსეთის საკითხებში სპეციალური წარმომადგენლის, კით კელოგის თანაშემწეები.სააგენტო Reuters-ის ცნობით, თეთრი სახლის თანახმად, მოლაპარაკების მიზანია შავ ზღვაში ცეცხლის შეწყვეტა, რამაც ხელი უნდა შეუწყოს გემების თავისუფლად მიმოსვლას.ერთი დღით ადრე, 23 მარტს, საუდის არაბეთის დედაქალაქში გაიმართა აშშ-უკრაინის შეხვედრა. მისი დასრულების შემდეგ კიევის დელეგაციის ხელმძღვანელმა, თავდაცვის მინისტრმა რუსტემ უმეროვმა სოციალურ ქსელებში დაწერა, რომ საუბარი კონსტრუქციული და შინაარსიანი იყო და განიხილეს საკვანძო საკითხები, კერძოდ, ენერგეტიკის სფეროში.უკრაინის დელეგაცია დღესაც საუდის არაბეთშია. ასევე ნახეთ მაიკ უოლცი: აშშ მოსკოვთან საუბრობს რუსეთში ძალით წაყვანილი უკრაინელი ბავშვების ბედის შესახებ აშშ-ისა და რუსეთის მაღალჩინოსნების პირველი შეხვედრა საუდის არაბეთში 18 თებერვალს გაიმართა.თითქმის ერთი თვის შემდეგ, 11 მარტს საუდის არაბეთში მოლაპარაკება გამართეს აშშ-ის და უკრაინის დელეგაციებმაც. ამ შეხვედრის შედეგად კიევი დაეთანხმა ვაშინგტონის წინადადებას 30-დღიანი ზავის შესახებ. რუსეთს ამ წინადადებაზე თანხმობა არ უთქვამს.უკრაინასა და რუსეთს შორის საბრძოლო მოქმედებების შეწყვეტის მიზნით, აშშ-ის პრეზიდენტმა დონალდ ტრამპმა 18 და 19 მარტს სატელეფონო საუბრები გამართა რუსეთის პრეზიდენტ ვლადიმირ პუტინთან და უკრაინის პრეზიდენტ ვოლოდიმირ ზელენსკისთან. ასევე ნახეთ რუბიო და უოლცი: ზელენსკისთან საუბარში ტრამპმა უკრაინის ელექტროსადგურების უსაფრთხოებისთვის აშშ-ის ჩართულობაზეც ილაპარაკა ასევე ნახეთ ნაწილობრივი ცეცხლის შეწყვეტა - და მაინც, რაზე შეთანხმდნენ ტრამპი და პუტინი? ...