აშშ-ის უმაღლესი თანამდებობის პირების დახურულ ონლაინ-ჩატში უცხო პირის შეცდომით ჩართვით გამოწვეული სკანდალის გამო თეთრ სახლში საუბრობენ ეროვნული უსაფრთხოების საკითხებში პრეზიდენტის მრჩევლის, მაიკ უოლცის მიერ თანამდებობის დატოვების შესაძლებლობაზე. ამის შესახებ გამოცემა Politico წერს თეთრი სახლის წარმომადგენლებზე დაყრდნობით.გამოცემის წერს, რომ უოლცის მომავალი ეჭვქვეშ დადგა საიდუმლო ინფორმაციის გაჟონვის გამო.Politico-ს წყაროთა ცნობით, თეთრი სახლის მაღალჩინოსნების ნაწილი მიიჩნევს, რომ მაიკ უოლცმა თანამდებობა თავად უნდა დატოვოს.საბოლოო გადაწყვეტილება პრეზიდენტმა ტრამპმა უახლოეს ხანში უნდა მიიღოს. ერთ-ერთი წყაროს ინფორმაციით, პრეზიდენტი უოლცს უკვე ესაუბრა და ამ ეტაპზე მხარს უჭერს. ამასთან, როგორც Politico წერს, დონალდ ტრამპი საბოლოო გადაწყვეტილებას მიიღებს იმის მიხედვით, თუ როგორ განვითარდება მოვლენები. ასევე ნახეთ The Atlantic: გამოცემის მთავარი რედაქტორი შემთხვევით აღმოჩნდა თეთრი სახლის საიდუმლო მიმოწერაში 24 მარტს ცნობილი გახდა, რომ გამოცემა The Atlantic-ის მთავარმა რედაქტორმა ჯეფრი გოლდბერგმა მაიკ უოლცისგან 13 მარტს მოულოდნელად მიიღო მიწვევა Signal-ის დახურულ ჩატში, სადაც ამერიკელი მაღალჩინოსნები, მათ შორის თავდაცვის მინისტრი პიტ ჰეგსეთი, განიხილავდნენ იემენში მეამბოხე ჰუთების პოზიციებზე შეტევას.საიდუმლო ინფორმაციის განხილვის წესების დარღვევას მწვავე რეაქცია მოჰყვა კონგრესის წარმომადგენლებისა და უსაფრთხოების საკითხთა ექსპერტებისგან.აშშ-ის თავდაცვის მინისტრმა პიტ ჰეგსეთმა 24 მარტს ჟურნალისტებს განუცხადა, რომ ჩატში სამხედრო გეგმებზე არავინ წერდა. ...