„შეხვედრაზე საუბარი შეეხო საქართველოში არსებულ ხელსაყრელ საინვესტიციო გარემოს, მაღალ ეკონომიკურ ზრდას, ქვეყნის სატრანზიტო როლს და დაკავშირებადობის ფუნქციას...ხაზი გაესვა მშვიდობისა და სტაბილურობის განსაკუთრებულ მნიშვნელობას, რაც ეკონომიკური ზრდისა და ბიზნესის განვითარების აუცილებელი წინაპირობაა“, - წერია პრესსამსახურის ინფორმაციაში.მთავრობის ადმინისტრაციის გავრცელებულ ფოტოში ჩანს, რომ შეხვედრას ესწრებოდა „საქართველოს კაპიტალის“ აღმასრულებელი დირექტორი ირაკლი გილაური.три 9 იანვარს რადიო თავისუფლებამ წყაროზე დაყრდნობით გაავრცელა წერილი, რომ აშშ-ის მომავალ სახელმწიფო მდივან მარკო რუბიოს კონგრესიდან გაუგზავნეს წერილი, რომლითაც მას „ქართული ოცნების“ „ავტორიტარული მმართველობის, არჩევნების გაყალბებისა“ და „ჩინეთის, რუსეთისა და ირანის აგრესიის ღერძისკენ საქართველოს გადახრის“ შესახებ ატყობინებდნენ.ამავე წერილში ჩამოთვლილი იყო საქართველოს პოლიტიკურ და ბიზნესსცენაზე მყოფი 25 ადამიანი, - „ივანიშვილის „მაცოცხლებელთა“ [enablers] ქსელი“, - რომლებიც, წერილის თანახმად, არიან „ელიტური გარემოცვა, კორუმპირებული ფინანსური მუშაკები, პროპაგანდისტები და ისინი, ვინც რეპრესიულ სახელმწიფო აპარატს ამუშავებენ“. მათ შორის ნახსენები იყო ირაკლი გილაური. ასევე ნახეთ ივანიშვილის გარემოცვა, თურნავა, „რიჟა“, სხვა ბიზნესმენები - ვისი სია გაუგზავნეს მარკო რუბიოს, აშშ-ის მომავალ სახელმწიფო მდივანს 14 იანვარს ირაკლი გილაურის ძმამ, ნიკა გილაურმა, ყოფილმა პრემიერ-მინისტრმა, თქვა, რომ ეს ჰგავდა „პროცესის მადისკრედიტირებელ ოპერაციას, რომელსაც კარგად ეტყობა „ე.წ კაგებეშნიკური ხელწერა“.ნიკა გილაურმა 2024 წლის დეკემბერში, - პროევროპული საპროტესტო დემონსტრაციების დაწყების შემდეგ, - აქციაზე ნაცემი მოქალაქეების დასახმარებლად შექმნა საქველმოქმედო ფონდი Prosperity Georgia. ფონდი პროკურატურის მოთხოვნით სასამართლომ 2025 წლის მარტში დააყადაღა.დაახლოებით ერთი კვირის წინ ცნობილი გახდა, რომ ნიკა გილაურის კომპანია „რეფორმატიკსმა“ აშშ-ში ლობისტური კომპანია Continental Strategy დაიქირავა, რისთვისაც 600 000 დოლარი უნდა გადაუხადოს.„მინდა დავაზუსტო მედიაში გავრცელებული ინფორმაცია ხელშეკრულების მიზნების შესახებ. ხელშეკრულება პირველ რიგში გაფორმდა იმიტომ, რომ Continental Strategy დაეხმაროს რეფორმატიკსს მისი მთავარი მიზნის მიღწევაში - სამხრეთ კავკასიასა და ცენტრალურ აზიაში ინვესტიციების მოზიდვასა და ბიზნეს გარემოს გაუმჯობესებაში და ამ რეგიონის ეკონომიკური კავშირების გაძლიერებაში ამერიკასთან და ევროკავშირის ქვეყნებთან“, - დაწერა ფეისბუკში ნიკა გილაურმა 19 მარტს. ასევე ნახეთ „კაგებეშნიკური“ ხელწერა ეტყობა - ნიკა გილაური თავისი ძმის „დასასანქცირებელთა სიაში“ მოხვედრაზე ბიძინა ივანიშვილს ...