„ქართული ოცნების“ პარლამენტის დროებითი საგამოძიებო კომისიის თავმჯდომარის, თეა წულუკიანის ინიციატივაა, ოპოზიციური პარტია „ძლიერი საქართველოს“ ლიდერის, მამუკა ხაზარაძის წინააღმდეგ სისხლის სამართლის საქმის აღსაძრავად პროკურატურას მიმართონ.ხაზარაძემ 25 მარტს უარი განაცხადა კომისიაში მონაწილეობის მიღებაზე. იგივე პოზიცია აქვს ბადრი ჯაფარიძესაც.„ჰგონიათ შეგვაშინებენ, ბადრი და მამუკა რომ არ მივიდნენ... არავის არც მაგათი ციხის არ ეშინია, არც მაგათი დაჭერის არ ეშინია, არც მამუკა ხაზარაძეს, არც ბადრი ჯაფარიძეს, არც მე და არც არავის“, - განაცხადა ჯაფარიძისა და ხაზარაძის თანაგუნდელმა ალეკო ელისაშვილმა 25 მარტს ტელეკომპანია „პირველის“ ეთერში. ასევე ნახეთ თეა წულუკიანის ინიციატივაა, მამუკა ხაზარაძის წინააღმდეგ პროკურატურას მიმართონ ალეკო ელისაშვილი, თავის მხრივ, ბრალდებულია - მას ედავებიან „ქართული ოცნების“ ერთ-ერთი წევრის, ალი ბაბაევის „ფიზიკურ და სიტყვიერ შეურაცხყოფას“, 2024 წლის 2 დეკემბრის საქმეს. ელისაშვილს გირაო აქვს შეფარდებული, თუმცა გამამტყუნებელი განაჩენის შემთხვევაში, სამ წლამდე პატიმრობა ემუქრება.მისი თქმით, ამ საქმის ფარგლებში მომდევნო სასამართლო სხდომა პირველ აპრილს არის დანიშნული: „მეც დამიჭირონ. აგერ მეც პირველ აპრილს მაქვს საქმის განხილვა, - საინტერესო ხუმრობა აქვს სასამართლოს“.„ხომ ვიცით, რაშიც ვმონაწილეობთ - ვიცით, რომ ამ რეპრესიების წინაშე ყველანი თანაბარი ვართ და არავის პრივილეგია არ გვაქვს... ჩაუვარდათ კოვზი ნაცარში, ეგონათ, წულუკიანი რომ იტყოდა, მუშტს რომ დაარტყამდა, [შეგვეშინდებოდა]... დაგვიჭირონ მერე, ჰა. მიდით. რა პრობლემაა. მერე? მაგრამ იმ სამარცხვინო რაღაცაში მონაწილეობას არ ვაპირებთ“, - თქვა ელისაშვილმა.მანამდე მამუკა ხაზარაძემ და ბადრი ჯაფარიძემ განაცხადეს, არ აპირებენ მონაწილეობა მიიღონ საგამოძიებო კომისიაში და მას ცირკი უწოდეს.„მისვლას და ამ ცირკში მონაწილეობას, რა თქმა უნდა არ ვაპირებ!.. აქვე ვიტყვი, მიუხედავად ბიძინას დაქვემდებარებული მურუსიძის კლანური სასამართლოს არსებობისა, არასდროს გავქცევივარ მართლმსაჯულებას. ამ შემთხვევაშიც, მიბრძანდით სასამართლოში და თუ რამე გაქვთ გასარჩევი, იქ გავარჩიოთ“, - დაწერა მამუკა ხაზარაძემ ფეისბუკზე.დღევანდელ სხდომაზე წულუკიანმა თქვა, რომ ჯაფარიძე კვლავ იყო მიწვეული კომისიის სხდომაზე: „იმედი გვაქვს, ის გამოცხადდება დღეს“, თუმცა ჯაფარიძე პარლამენტში არ მივიდა.„მე არ ვაპირებ მონაწილეობა მივიღო ჩემს წინააღმდეგ დაგეგმილ პროპაგანდისტულ კამპანიაში, რომლის ერთადერთი მიზანია, არარსებული თემის ირგვლივ მოგონილი ცილისმწამებლური ვერსიის განვითარების საფუძველზე პოლიტიკური ოპონენტების, ამ შემთხვევაში, ჩემი გაშავება“, - დაწერა ბადრი ჯაფარიძემ ფეისბუკზე.25 მარტს საგამოძიებო კომისიაში განიხილავდნენ შპს „...