„შეხვედრა გაიმართა „საქართველოს კაპიტალის“ სამეთვალყურეო საბჭოს ინიციატივით“, - მისწერეს რადიო თავისუფლებას „საქართველოს კაპიტალის“ მედიასთან კომუნიკაციის ჯგუფიდან.ამავე წყაროს ცნობით, „განხილული იყო ქვეყანაში არსებული ეკონომიკური და საინვესტიციო გარემო“.25 მარტს ერთ-ერთი ყველაზე დიდი ქართული ბიზნესჯგუფის, „საქართველოს კაპიტალის“ დირექტორთა საბჭოს წევრები მთავრობის ადმინისტრაციაში შეხვდნენ „ქართული ოცნების“ მთავრობის პრემიერ-მინისტრ ირაკლი კობახიძეს.შეხვედრის შესახებ ინფორმაცია თავდაპირველად მთავრობის ადმინისტრაციის პრესსამსახურმა გაავრცელა. ასევე ნახეთ ირაკლი გილაური ირაკლი კობახიძეს მთავრობის ადმინისტრაციაში შეხვდა პრესსამსახურის ინფორმაციაში წერია, რომ„შეხვედრაზე საუბარი შეეხო საქართველოში არსებულ ხელსაყრელ საინვესტიციო გარემოს, მაღალ ეკონომიკურ ზრდას, ქვეყნის სატრანზიტო როლს და დაკავშირებადობის ფუნქციას...ხაზი გაესვა მშვიდობისა და სტაბილურობის განსაკუთრებულ მნიშვნელობას, რაც ეკონომიკური ზრდისა და ბიზნესის განვითარების აუცილებელი წინაპირობაა“.ადმინისტრაციის გავრცელებულ ფოტოში ჩანს, რომ შეხვედრას ესწრებოდა „საქართველოს კაპიტალის“ აღმასრულებელი დირექტორი ირაკლი გილაური.9 იანვარს რადიო თავისუფლებამ წყაროზე დაყრდნობით გაავრცელა ინფორმაცია, რომ აშშ-ის მომავალ სახელმწიფო მდივან მარკო რუბიოს კონგრესიდან გაუგზავნეს წერილი, რომლითაც მას „ქართული ოცნების“ „ავტორიტარული მმართველობის, არჩევნების გაყალბებისა“ და „ჩინეთის, რუსეთისა და ირანის აგრესიის ღერძისკენ საქართველოს გადახრის“ შესახებ ატყობინებდნენ.ამავე წერილში ჩამოთვლილი იყო საქართველოს პოლიტიკურ და ბიზნესსცენაზე მყოფი 25 ადამიანი, - „ივანიშვილის „მაცოცხლებელთა“ [enablers] ქსელი“, - რომლებიც, წერილის თანახმად, არიან „ელიტური გარემოცვა, კორუმპირებული ფინანსური მუშაკები, პროპაგანდისტები და ისინი, ვინც რეპრესიულ სახელმწიფო აპარატს ამუშავებენ“. მათ შორის ნახსენები იყო ირაკლი გილაური. ასევე ნახეთ სრული ნდობა გვაქვს ირაკლი გილაურისადმი - „საქართველოს კაპიტალის“ დირექტორთა საბჭო „საქართველოს კაპიტალის“ დირექტორთა საბჭომ 13 იანვარს განაცხადა, რომ კომპანიის აღმასრულებელი დირექტორისადმი, ირაკლი გილაურისადმი „სრული ნდობა გააჩნია“, არ ეთანხმება მისდამი სანქციების დაწესებაზე მოსაზრებას და რომ კომპანია პოლიტიკურ პროცესში არ ერევა.14 იანვარს ირაკლი გილაურის ძმამ, ნიკა გილაურმა, ყოფილმა პრემიერ-მინისტრმა, თქვა, რომ მისი ძმის დასასანქცირებელთა სიაში მოხვედრა ჰგავდა „პროცესის მადისკრედიტირებელ ოპერაციას, რომელსაც კარგად ეტყობა „ე.წ. კაგებეშნიკური ხელწერა“.ნიკა გილაურმა 2024 წლის დეკემბერში, - პროევროპული საპროტესტო დემონსტრაციების დაწყების შემდეგ, - აქციაზე ნაცემი მოქალაქეების დასახმარებლად ...