ტურისტი ქალი დაიღუპა სვანეთში ჩამოწოლილი ზვავის შედეგად. როგორც საგანგებო სიტუაციების მართვის სამსახურში უთხრეს რადიო თავისუფლებას, შემთხვევის შედეგად არ დაშავებულან მისი თანმხლები სხვა ადამიანები.საგანგებო სიტუაციების სამსახურში რადიო თავისუფლებას უთხრეს, რომ ტურისტი მესტიიდან უკვე გადასვენებულია.შემთხვევა გუშინ, 26 მარტს, მოხდა. არსებული ინფორმაციით, ტურისტი ზვავში სრიალის დროს მოჰყვა.როგორ სააგენტო Bm.ge-ს უთხრა მესტიის მუნიციპალიტეტის მერმა კაპიტონ ჟორჟოლიანმა, ოთხი ტურისტი უშგულში გიდის გარეშე სრიალებდა, ერთი მათგანი ზავში მოჰყვა და დაიღუპა, დანარჩენები ზვავისგან მოშორებით იმყოფებოდნენ და არ დაშავებულან.ესპანური მედიის ინფორმაციით, დაღუპული კატალონიის მკვიდრი, 53 წლის იოლანდა ერნანდეს კურულაა. მოთხილამურეთა ექსპედიცია ექვსი წევრისგან შედგებოდა. მიუხედავად იმისა, რომ ისინი სრიალისას უსაფრთხო დისტანციას იცავდნენ, ზვავში სამი მათგანი მოჰყვა, ორი მსუბუქად დაშავდა.ტექსტი განახლდა და მასში შევიდა ცვლილები დამატებითი ინფორმაციის შეტანის შემდეგ. ...