რუსეთში ჟურნალისტ მარია პონომარენკოს წლით და 10 თვით მიუსაჯეს პატიმრობა კოლონიის თანამშრომლებზე თავდასხმის საქმეზე. ამ ცნობას ავრცელებს გამოცემა RusNews-ი, რომელთანაც პონომარენკო თანამშრომლობდა.პროკურატურა მოითხოვდა, ჟურნალისტისთვის ორი წლით მიესაჯათ კოლონიაში პატიმრობა, მის პირველ საქმეზე დამატებით. სახელმწიფო ბრალდება გამოვიდა წინადადებით, პატიმრობის ვადები ნაწილობრივ შეკრებილიყო და პონომარენკოსთვის საერთო ჯამში ოთხი წლით აღეკვეთათ თავისუფლება.თავის ბოლო სიტყვაში მარია პონომარენკომ ილაპარაკა ფსიქიატრიული საავადმყოფოს თანამშრომლების მხრიდან ძალადობაზე - იქ პონომარენკო გაგზავნეს, როგორც აცხადებდნენ, ფსიქოლოგიური პრობლემების გამო.2023 წლის აპრილში, ქალაქ ბარნაულის რაიონულმა სასამართლომ ომის შესახებ "ყალბი ცნობების" გავრცელების ბრალდებით, მარია პონომარენკოს ექვსი წლით მიუსაჯა პატიმრობა ზოგადი რეჟიმის კოლონიაში - მან დაწერა პოსტი უკრაინის ქალაქ მარიუპოლის დრამატული თეატრის განადგურებაზე.მოგვიანებით ჟურნალისტის წინააღმდეგ აღძრეს სისხლის სამართლის საქმე, რომლითაც მას სასჯელაღსრულების სამსახურის თანამშრომლებზე თავდასხმაში სდებდნენ ბრალს. გამოძიების ვერსიით, პონომარენკომ უარი განაცხადა საკუთარი ნებით წარმდგარიყო დისციპლინარული კომისიის წინაშე და როცა კოლონიის თანამშრომლებმა იგი ძალის გამოყენებით წაიყვანეს, წინააღმდეგობის გაწევა დაიწყო და თანამშრომლებს თავს დაესხა.ვრცელდებოდა ინფორმაცია პონომარენკოს მძიმე ფსიქოლოგიურ მდგომარეობაზე. ნოვოსიბირსკში აქტივისტები რამდენიმე დღის განმავლობაში ატარებდნენ მის მხარდასაჭერ აქციებს. ასევე ნახეთ რუსეთში საპროტესტო შიმშილობა დაიწყო პატიმრობაში მყოფმა ომის მოწინააღმდეგე ჟურნალისტმა ...