„ქართული ოცნების“ მთავრობის ხელმძღვანელმა ირაკლი კობახიძემ 2025 წლის 21 მარტს გამოსცა განკარგულება, რომლითაც შვეიცარიის კონფედერაციაში საქართველოს საგანგებო და სრულუფლებიანი ელჩის პოსტზე შოთა გეწაძის კანდიდატურა წარუდგინა მიხეილ ყაველაშვილს.განკარგულების თანახმად, შოთა გეწაძე მოვალეობის შესრულებას 2025 წლის 1 აპრილიდან შეუდგება.იგი 2023 წლიდან ამავე ქვეყანაში საქართველოს დესპანი იყო, ბოლო პერიოდში კი - საქართველოს საქმეთა დროებითი რწმუნებული.ირაკლი კობახიძემ 21 მარტს გამოსცა კიდევ ორი განკარგულება ელჩების დანიშვნის თაობაზე. კერძოდ:თურქეთში ელჩად ინიშნება არჩილ კალანდია, - ყოფილი ელჩი ჩინეთის სახალხო რესპუბლიკაში, რომლის დროსაც მოეწერა ხელი სტრატეგიული პარტნიორობის დეკლარაციას საქართველოსა და ჩინეთს შორის;კუბაში ელჩად ინიშნება გრიგოლ (გიგლა) ბარამიძე, ნინო ბურჯანაძის პარტია „ერთიანი საქართველო — დემოკრატიული მოძრაობის“ ყოფილი გენერალური მდივანი.დესპანი შვეიცარიაშიშოთა გეწაძე ამ დრომდე იკავებდა შვეიცარიაში საქართველოს საგანგებო და სრულუფლებიანი დესპანის მოვალეობას.შვეიცარიაში წინა ელჩი რევაზ ლომინაძე იყო - მისი გათავისუფლების განკარგულება საქართველოს მთავრობამ 2024 წლის 26 აგვისტოს გამოსცა. ასევე ნახეთ მთავრობა რამდენიმე ელჩს თანამდებობიდან ათავისუფლებს შოთა გეწაძემ, რომელიც სასამართლო სისტემაში 21 წლის ასაკიდან მუშაობდა და რომელსაც მოსამართლეობის 13-წლიანი სტაჟი ჰქონდა, ასევე, უვადო მოსამართლედ იყო განწესებული, 2023 წლის ივნისში პოსტი და პროფესია დატოვა. ამის შემდეგ შეუდგა ის დიპლომატიურ საქმიანობას.მურუსიძე - „მეგობარი და არა ლიდერი“შოთა გეწაძეს სასამართლოს დამოუკიდებლობის საკითხზე მომუშავე ორგანიზაციები ადანაშაულებდნენ სასამართლოში არსებული გავლენიანი ჯგუფის, ე.წ სასამართლოს კლანის წევრობაში.2019 წელს მას სურდა, უზენაეს სასამართლოში დანიშნულიყო უვადოდ, თუმცა პარლამენტმა მხარი არ დაუჭირა.2019 წლის ივლისში, - როდესაც უკვე უზენაეს სასამართლოში უვადოდ განწესება სურდა, - იუსტიციის უმაღლეს საბჭოში მოსმენისას განაცხადა:„ლევან მურუსიძე არის ჩემი მეგობარი და არა ჩემი ლიდერი… ის არის ჩემთვის გაცილებით მნიშვნელოვანი ადამიანი და მე მგონი, ამით ბევრი რამ არის ნათქვამი“.2019 წლის სექტემბერში, როდესაც ახლა უკვე პარლამენტის წინაშე წარდგა იმავე მიზნით, შოთა გეწაძემ განაცხადა:„სასამართლოში იმდენად კარგი რამ ხდება, თქვენ ვერ წარმოიდგენთ, მაგრამ საზოგადოებამ, მათ შორის თქვენ, არ იცით ამის თაობაზე“;„სასამართლოს ისტორიაში ამ დონის თავისუფალი სასამართლო ჯერ არ ყოფილა“.2017 წელს სურდა სტრასბურგის სასამართლოს მოსამართლეობა; იყო იმ ხუთ კანდიდატს შორის, რომლებიც სპეციალურმა სამთავრობო კომისიამ 68 მსურველიდან შეარჩია. თუმცა ადამიანის უფლებათა ევროპული სასამართლოს ...