"ეს არის უკანონო დაპატიმრებულთა მიმართ „ქართული ოცნების“ რეჟიმის მოპყრობის კიდევ ერთი აღმაშფოთებელი შემთხვევა. ჩვენი წევრები განაგრძობენ დემოკრატიისთვის და საქართველოს ევროპული მომავლისთვის ბრძოლას. ჩვენ მათ გვერდში ვართ“, - ALDE-ს განცხადება სოციალურ პლატფორმა X-ზე ქვეყნდება.ევროპული პოლიტიკური გაერთიანება მოუწოდებდა „ქართული ოცნების“ ხელისუფლებას ოპოზიციონერი პოლიტიკოსის დაუყოვნებლივ გათავისუფლებისკენ. три განცხადებას X-ზე აქვეყნებს ჯო უილსონიც - აშშ-ის კონგრესის წარმომადგენელთა პალატის წევრი, ჰელსინკის კომისიის თანათავმჯდომარე და "მეგობარი აქტის" ინიციატორი.უილსონმა დაწერა, რომ ქართული ოპოზიციის მნიშვნელოვანი ლიდერი "უსამართლოდ დააკავა ივანიშვილის მხდალად ანტიამერიკულმა რეჟიმმა"."ის [ელენე ხოშტარია] და ყველა პოლიტიკური პატიმარი დაუყოვნებლივ უნდა გათავისუფლდნენ. თავისუფალი და სამართლიანი არჩევნები ერთადერთი გზაა წინსვლისთვის”, - წერია კონგრესმენ უილსონის განცხადებაში.ევროპელი და ამერიკელი პოლიტიკოსების მოწოდებების ფონზე, ცოტა ხნის წინ გახდა ცნობილი, რომ ელენე ხოშტარია დიღმის მთავარი სამმართველოდან გაათავისუფლეს. ამ ინფორმაციას ადვოკატი და "კოალიცია ცვლილებისთვის" ავრცელებენ.„ამ წუთას ელენე გამოუშვეს იზოლატორიდან. არც სასამართლო, არც რამე საფუძვლის მითითება. უბრალოდ, კარი გაუღეს ფა გადი აქედანო უთხრეს“, — წერს ნიკა გვარამია სოციალურ ქსელში. три „კოალიცია ცვლილებისთვის“ და “დროას” ლიდერის, ელენე ხოშტარიას მიერ იზოლატორიდან გამოგზავნილი წერილი 29 მარტს გავრცელდა. წერს, რომ პოლიციელებმა დაზიანება მიაყენეს და იზოლატორში სრულად გააშიშვლეს. ასახელებს კონკრეტულ გვარებსაც.შსს განმარტავს, რომ ელენე ხოშტარიას მიმართ გატარდა კანონით გათვალისწინებული პროცედურები, ხოლო "პროცედურების გავლისას ელენე ხოშტარიამ დაარღვია იზოლატორის შინაგანაწესი, კერძოდ ის უარს აცხადებდა მოთავსების კანონით განსაზღვრულ პროცედურების სრულად გავლაზე და იქცეოდა აგრესიულად".შსს-მ განაცხადა ასევე, რომ "დაკავებულს თან აღმოაჩნდა, სავარაუდოდ, კანონსაწინააღმდეგო ნივთიერება, რომელზეც დანიშნულია შესაბამისი ექსპერტიზა".“კოალიცია ცვლილებისთვის“ თანადამფუძნებელმა და ლიდერმა, ნიკა გვარამიამ, იზოლატორიდან გამოსვლის შემდეგ "ტვ პირველის" პირდაპირ ეთერში განაცხადა, რომ ელენე ხოშტარია წამების მსხვერპლია.გვარამიას მონათხრობით, სრულად გაშიშვლებული ელენე ხოშტარია დააწვინეს “ჩვეულებრივ საწოლზე” და “მეტალოდეტექტორს ატარებდნენ შიშველ სხეულზე დიდი ხნის განმავლობაში"; ასევე - მეტალოდეტექტორის გამოყენება დაიწყეს მას შემდეგ მალევე, რაც პოლიტიკოსი ცუდად გახდა, ღებინება დაეწყო და საპირფარეშოში გაშვების ნაცვლად პოლიეთილენის პარკი მიუტანეს.რაც შეეხე...