კიევმა მოსკოვს „ომის დანაშაულში“ დასდო ბრალი მას შემდეგ, რაც რუსეთის დრონებმა დაარტყეს სამხედრო ჰოსპიტალს ხარკოვში, უკრაინის სიდიდით მეორე ქალაქში.იერიში მიტანილი იქნა სავაჭრო ცენტრზე, საცხოვრებელ სახლებსა და სხვა ობიექტებზე, რის შედეგადაც, ხელისუფლების თქმით, დაიღუპა, სულ მცირე, ორი ადამიანი.უკრაინის გენერალურმა შტაბმა რუსეთი დაადანაშაულა „საერთაშორისო ჰუმანიტარული სამართლის ნორმების დარღვევაში“ იმ თავდასხმის ფარგლებში, რომელიც მან დაგმო, როგორც „წინასწარგანზრახული, მიზანმიმართული დაბომბვა“.მათ 30 მარტს დასძინეს, რომ დაღუპულთა შორის არიან სამხედროები, რომლებიც სამედიცინო ცენტრში მკურნალობდნენ. ასევე ნახეთ დნეპროპეტროვსკზე რუსეთის არმიის თავდასხმას ოთხი ადამიანი ემსხვერპლა ხარკოვის თავდასხმამდე ერთი საათით ადრე, უკრაინის პრეზიდენტმა ვოლოდიმირ ზელენსკიმ განაცხადა, რომ კიევი დასავლეთის ქვეყნებისგან ძლიერ პასუხს ელოდება უკრაინის ტერიტორიაზე რუსული უპილოტო საფრენი აპარატების თითქმის ყოველდღიურ თავდასხმებზე.„ჩვენმა პარტნიორებმა ცხადად უნდა გაიგონ, რომ ეს დარტყმები არ არის მხოლოდ თავდასხმები უკრაინელ მშვიდობიან მოსახლეობაზე, არამედ ასევე ყველა საერთაშორისო ძალისხმევაზე - სწორედ იმ დიპლომატიაზე, რომლის გამოყენებასაც ვცდილობთ ამ ომის დასასრულებლად“, - თქვა ზელენსკიმ თავის ღამის ვიდეომიმართვაში 29 მარტს. ასევე ნახეთ ევროკავშირში მწვავედ გააკრიტიკეს პუტინი უკრაინაში "საერთაშორისო მმართველობის" წინადადებისთვის ...