გასაუბრების დაწყებამდე, კომისიის თავმჯდომარე თეა წულუკიანმა ემზარ კვიციანის საქმიანობა პოზიტიურად დაახასიათა. მისი თქმით, კვიციანი და მისი თანამოაზრეები „ხეობას ამაგრებდნენ“.„როდესაც ჩვენ ამ თემის [ომის] კვლევა დავიწყეთ, ვნახეთ, რომ 2004 წლიდან დაიწყო მიზანმიმართული ნგრევა იმისა, რასაც საქართველოს სუვერენიტეტი ჰქვია, რასაც ქართული ჯარი ჰქვია და ამ ყველაფერს ხელმძღვანელობდა უმაღლესი პოლიტიკური თანამდებობის პირი - მიხეილ სააკაშვილი.2006 წელი არის უმნიშვნელოვანესი იმისათვის, რომ ჩვენ ფაქტები აღვადგინოთ, დავადგინოთ და ფაქტებზე დაფუძნებულად ჩვენს დასკვნაში ვაჩვენოთ, განსაკუთრებით მომავალ თაობებს, 2008 წლის ომამდე როგორ მივიდა ჩვენი ქვეყანა და რატომ აღმოჩნდა როგორც ჯარისკაცი, ისევე მშვიდობიანი მოქალაქე დაუცველი. და რატომ გაიმარჯვა მტერმა და არა - ჩვენ?! თუკი ომს იწყებ, მთავარი დანიშნულება უნდა იყოს გამარჯვება და ეს გამარჯვება კარგად უნდა იყოს მომზადებული. წინააღმდეგ შემთხვევაში, არაფერი ნაბიჯი არ უნდა გადადგა ისეთი, რაც დანაკარგს მოიტანს გაუმართლებელს და ჯარისკაცსაც გაწირავს და მოქალაქესაც“, - თქვა თეა წულუკიანმა.ემზარ კვიციანი 2001-2003 წლებში იყო სამხარეო რწმუნებული კოდორის ხეობაში. ეს თანამდებობა „ნაციონალური მოძრაობის“ ხელისუფლებაში მოსვლიდან რამდენიმე თვეში გააუქმა აფხაზეთის მაშინდელი ლეგიტიმური მთავრობის თავმჯდომარემ, ირაკლი ალასანიამ.კვიციანი ასევე ხელმძღვანელობდა გასამხედროებულ ჯგუფ „მონადირეს“, რომელიც 2002 წელს საქართველოს თავდაცვის სამინისტროს დაქვემდებარებაში შევიდა. 2005 წელს თავდაცვის მინისტრმა „მონადირის“ დაშლის გადაწყვეტილება მიიღო, 2006 წელს კი საპოლიციო ძალებმა კვიციანის მომხრეების განიარაღება შეძლეს.კვიციანი რუსეთში გაიქცა და ხელისუფლებაში „ქართული ოცნების“ მოსვლის შემდეგ დეპორტაციით დაბრუნდა 2014 წელს, რა დროსაც ის დააკავეს. 2015 წელს ქუთაისის სააპელაციო სასამართლომ საპროცესო შეთანხმებით პატიმრობიდან გაათავისუფლა.2016 წელს ემზარ კვიციანი პარლამენტის დეპუტატიც გახდა პარტია „პატრიოტთა ალიანსიდან“.თეა წულუკიანმა დღევანდელ სხდომაზეც გაიმეორა, რომ „კომისია არ იძიებს სამხედროებს, ჩვენი კომისია იძიებს „ნაციონალური მოძრაობის“ რეჟიმის დროს პოლიტიკური თანამდებობის პირების საქმიანობის სხვადასხვა ასპექტსა და საკითხს“:„ირკვევა წინა სხდომებიდან გამომდინარე, რომ თურმე დადასტურებულადაც შეიძლება უკვე ჩაითვალოს, თუმცა სხდომები გრძელდება, რომ მიხეილ სააკაშვილს და მის ამფსონებს - დავით კეზერაშვილს, ვანო მერაბიშვილს და სხვებს - არ ჰქონდათ სამხედრო გეგმა, ისე აწარმოეს საომარი მოქმედებები 2008 წლის აგვისტოში. ის გეგმა, რომელიც სწორედაც ჩვენმა ღირსეულმა, საქმის მცოდნე სამხედროებმა შეადგინეს, იქნა უარყოფილი და გვერდზე გადადებული. შესაბამისად, ისინი აგვისტოს ომის დრო...