პარტიის ეს ცვლილებები მოჰყვება სურვილს, აკრძალოს ოპოზიციური პარტიები, რომლებსაც „კოლექტიურ ნაც. მოძრაობას“ უწოდებს.პარლამენტში 26 მარტს „ქართული ოცნების“ ფრაქციამ შეიტანა ცვლილებების პაკეტი, რომელიც პარტიების აკრძალვის საკითხის მოქმედ რეგულაციებს ცვლის. პაკეტში ორი კანონია:ცვლილება საკონსტიტუციო სასამართლოს კანონში;ცვლილება პარტიების კანონში (ფორმალურად - „მოქალაქეთა პოლიტიკური გაერთიანებების შესახებ“).9-თვიანი ვადასაკონსტიტუციო სასამართლოს კანონში დაგეგმილი ცვლილებით, საკონსტიტუციო სასამართლოს უწესდება პარტიის საქმიანობის კონსტიტუციურობის საკითხზე გადაწყვეტილების მიღების ვადები. კერძოდ:„პოლიტიკური პარტიის საქმიანობის კონსტიტუციურობისა და ამ პოლიტიკური პარტიის წარდგენით არჩეული წარმომადგენლობითი ორგანოს წევრის უფლებამოსილების შეწყვეტის საკითხის შესახებ კონსტიტუციური სარჩელის თაობაზე გადაწყვეტილების გამოტანის ვადა არ უნდა აღემატებოდეს საკონსტიტუციო სასამართლოში სარჩელის შეტანიდან 9 თვეს“.14-დღიანი ვადაამასთან, 14-დღიანი ვადა წესდება საარჩევნო პერიოდში, - იმ შემთხვევაში, როდესაც საკონსტიტუციო განიხილავს ახალი, „მსგავსი“ პარტიის აკრძალვის საკითხს.ამის საშუალებას კი მას პარტიების კანონში ინიციირებული ცვლილებები აძლევს. კერძოდ:„საქართველოს საკონსტიტუციო სასამართლოს შეუძლია აკრძალოს პარტია, რომლის გაცხადებული მიზანი ან/და საქმიანობის არსი (მათ შორის, პერსონალური ან/და შესაბამის საარჩევნო კომისიაში წარდგენილი პარტიული სიის შემადგენლობა) არსებითად იმეორებს“ საკონსტიტუციო სასამართლოს მიერ უკვე აკრძალული პარტიის გაცხადებულ მიზანს ან/და საქმიანობის არსს (მათ შორის, პერსონალურ შემადგენლობას).ეს ნიშნავს, რომ თუკი ახალ პარტიას იგივე ადამიანები აკომპლექტებენ, რომლებიც აწ უკვე აკრძალულ პარტიაში იყვნენ, პარტიის აკრძალვა 14 დღეში იქნება შესაძლებელი.გარდა ამისა, ინიციირებული ცვლილებებით, საქართველოს საკონსტიტუციო სასამართლოს შეუძლია აკრძალოს პარტია, „რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა, ან რომელიც ეწევა ომის ან ძალადობის პროპაგანდას, აღვივებს ეროვნულ, კუთხურ, რელიგიურ ან სოციალურ შუღლს, ქმნის ან შექმნილი აქვს შეიარაღებული ფორმირება“.პარტიების გაუქმებაპოლიტიკური კრიზისის, მძიმედ ნაცემი მომიტინგეების, პოლიტიკოსების, ბუნდოვანი მიზეზით დაკავებული ახალგაზრდების, უწყვეტი საპროტესტო აქციებისა და საერთაშორისო სანქციების ფონზე, „ქართული ოცნება“ გეგმავს „კოლექტიური ნაციონალური მოძრაობის“ აკრძალვას.„ქართული ოცნება“ გეგმავს, რომ სადავო პარლამენტში მიმდინარე საგამოძიებო კომისიის შემდეგ, საკონსტიტუციო სასამართლოს მიმართოს და მოითხოვოს „კოლექტიური ნაციონალური მოძრაობის“ აკრძალვა.„...