„არ შემიძლია, მე დღეს, 31 მარტს, ვიდგე აქ, თქვენ წინაშე, როგორც მთავარსარდალი და არ აღვუდგე იმ საზიზღრობას, რომლითაც ცდილობენ ჩვენი ყურადღება გადაიტანონ და სანახაობად აქციონ“, - განაცხადა სალომე ზურაბიშვილმა სიტყვით გამოსვლისას.ზურაბიშვილმა თეა წულუკიანს, - რომელიც კომისიის თავმჯდომარეა, უწოდა „პროკურორი თეა ვიშინსკი“ (ანდრეი ვიშინსკი 1930-იან წლებში საბჭოთა კავშირში განხორციელებული რეპრესიების ერთ-ერთი ორგანიზატორი იყო).„ეს არც ისტორიის გარკვევას, არც გაგებას ემსახურება. ეს არის სადამსჯელო წარმონაქმნი, რომელიც ემსახურება შურისძიებას“, - განაცხადა მან.„უფრო შემაშფოთებელია მოღალატე რეჟიმის მთავარი მიზანი, - ქართული სახელმწიფოს ბოლომდე დაშლა და განადგურება, ანუ უშუალოდ რუსული დაკვეთის შესრულება“, - თქვა მეხუთე პრეზიდენტმა.„ჯარის სრული დისკრედიტაცია, მისი შეურაცხყოფა და მაშასადამე, დემორალიზაცია, წარმოადგენს ანტისახელმწიფოებრივ ქმედებას. ეს სამარცხვინო სანახაობა, რომელსაც პირდაპირ ეთერში გვაყურებინებენ, ემსახურება ჯარის სრულ დისკრედიტაციის მცდელობით საზოგადოების დემორალიზაციას“, - თქვა ზურაბიშვილმა.„მმართველი, რომელიც ამას მოიფიქრებს და ამას უკეთებს საკუთარ ქვეყანას, ჯარსა და ხალხს, არის მტერი ჩვენი სახელმწიფოებრიობის, მაშასადამე ჩვენი დამოუკიდებლობისა და ჩვენი მომავლის... ცალკეული მოქალაქის მტერი“, - განაცხადა მან.მანამდე, აქციის მიმდინარეობისას, სიტყვით გამოსვლისას, სალომე ზურაბიშვილს დემონსტრანტების ნაწილი, - „ნაციონალური მოძრაობისა“ და მიხეილ სააკაშვილის მხარდამჭერები, - მოუწოდებდა, შეეფასებინა „ქართული ოცნების“ კომისია, გამოსვლისას ყვირილით ეკითხებოდნენ: „ომი ვინ დაიწყო?!“2018 წლის საპრეზიდენტო არჩევნების პერიოდში სალომე ზურაბიშვილი სკანდალში გაეხვა 2008 წლის ომთან დაკავშირებით გაკეთებული განცხადების გამო. 2018 წლის 6 აგვისტოს მან განაცხადა:„მე ყოველთვის ვამბობდი და ვამბობ, რომ ომი დაიწყო საუკუნის წინ რუსეთმა. ჩვენ იმ დროს [2008 წელს] ჩავერთეთ რუსეთის პროვოკაციაში და წავედით ამ საომარ ვითარებაში, საქართველომ დაიწყო ეს ნაწილი ამ საომარი ვითარების. ეს არის ყველასთვის ცნობილი და ოფიციალური ვერსია, რასაც ევროკავშირი ადასტურებდა, ჩვენ ამას არ გადავხედავთ“.მოგვიანებით, 17 სექტემბერს, მან განაცხადა: „მეორე თემა - საქართველო-რუსეთის ომი ვინ დაიწყო? ცხადია, რუსეთმა და რატომ? რუსეთი შემოიჭრა მის მიერ აღიარებულ საქართველოს ტერიტორიაზე ტანკებით და სამხედრო თვითმფრინავებით და არა პირიქით“.ასევე, მაშინაც დასძინა: „ვამბობ, რომ იმდროინდელმა პრეზიდენტმა და ხელისუფლებამ დაუშვა ან დიდი შეცდომა, ან ჩაიდინა დიდი დანაშაული, რის შედეგშიც ვცხოვრობთ ჩვენ, ჩვენი დევნილები და ოკუპირებულ ტერიტორიებზე დაუცველი ჩვენი სახელმწიფოს მოქალაქეები“. ასევე ნახეთ სალომე ზურაბიშ...