აშშ-ის პრეზიდენტი დონალდ ტრამპი უკმაყოფილოა უკრაინაში მეომარ მხარეთა ლიდერების - რუსეთის პრეზიდენტ ვლადიმირ პუტინისა და უკრაინის პრეზიდენტ ვოლოდიმირ ზელენსკის - ბოლო განცხადებებით. ამის შესახებ ორშაბათს გამართულ ბრიფინგზე თეთრი სახლის პრესმდივანმა კაროლინ ლევიტმა განაცხადა.მისი თქმით, ტრამპი " წარმოუდგენლად ბევრს მუშაობს რუსეთსა და უკრაინას შორის სამშვიდობო შეთანხმების მისაღწევად." ამასთან, ლევიტმა არ დააკონკრეტა, თუ კერძოდ რომელმა განცხადებებმა გამოიწვია ტრამპის უკმაყოფილება.თუმცა თავად ტრამპმა ადრე განაცხადა, რომ "განრისხებულია " პუტინის სიტყვებით ზელენსკის არალეგიტიმურობისა და უკრაინაში "გარდამავალი მმართველობის" შემოღების აუცილებლობის შესახებ. ასევე ნახეთ NBC News-ის ინტერვიუში ტრამპმა თქვა, რომ ის "ძალიან გაბრაზებული" და "გაღიზიანებულია" პუტინზე ის რუსეთს ნავთობის ექსპორტზე მეორადი გადასახადებით დაემუქრა, თუ კრემლი უახლოეს მომავალში ზავს არ დათანხმდება. ამავე დროს, ტრამპის თქმით, პუტინი "დათანხმდება გარიგებას"."მე არ მინდა მის ნავთობზე მეორადი ტარიფის დაკისრება, მაგრამ, ვფიქრობ, ამას გავაკეთებდი, თუ ჩავთვლიდი, რომ ის (პუტინი) თავს ვერ ართმევს საქმეს", - აღნიშნა ტრამპმა პუტინთან დაკავშირებით.აშშ-ის სახელმწიფო დეპარტამენტმა ასევე დაადასტურა, რომ ვაშინგტონმა (ისევე როგორც მანამდე კიევმა და გაერომ) უარყო პუტინის იდეა. "უკრაინა არის კონსტიტუციური დემოკრატია და მისი მმართველობა განისაზღვრება კონსტიტუციისა და უკრაინელი ხალხის მიერ", - თქვა ტემი ბრიუსმა, სახელმწიფო დეპარტამენტის ოფიციალურმა წარმომადგენელმა.ამასთან, აშშ-ის პრეზიდენტმა დონალდ ტრამპმა გააკრიტიკა უკრაინის ლიდერიც და განაცხადა, რომ ზელენსკის არ სურს, ხელი მოაწეროს უკრაინის სასარგებლო წიაღისეულის შესახებ შეთანხმების აშშ-ს მიერ შეთავაზებულ ვერსიას. ასევე ნახეთ იშვიათ მიწათა ელემენტები უკრაინაში მშვიდობის დამყარების მცდელობის საკვანძო საკითხად იქცა ტრამპის თქმით, ზელენსკიმ დოკუმენტის ხელმოწერის პირობად წამოაყენა უკრაინის ნატოში გაწევრიანების მოთხოვნა. აშშ-ის პრეზიდენტმა ხაზი გაუსვა, რომ ამას არ ეთანხმება და აღნიშნა, რომ პუტინმა უკრაინის წინააღმდეგ ომის დაწყების საბაბად სწორედ უკრაინის ნატოში გაწევრიანების სურვილი გამოიყენა.ასეთი შეფასება ტრამპმა იანვრის დასაწყისშიც გამოთქვა. ასევე ნახეთ ტრამპის თქმით, ბაიდენის ადმინისტრაციის სისუსტემ შესაძლოა რუსეთს ომის დაწყებისკენ უბიძგა აშშ-ის პრეზიდენტი დონალდ ტრამპი აცხადებს, რომ უკრაინის პრეზიდენტ ვოლოდიმირ ზელენსკის სასარგებლო წიაღისეულზე შეთანხმების პირობების გადახედვა სურს და გარიგებიდან გასვლას ცდილობს.ტრამპის თქმით, თუ ზელე...