მეხუთე პრეზიდენტმა სალომე ზურაბიშვილმა დღეს, 1 აპრილს, რამდენიმე ოპოზიციური პოლიტიკური პარტიის წარმომადგენელთან გამართული კონსულტაციის შემდეგ, მედიისთვის მოწყობილ ბრიფინგზე ისაუბრა "პირველი შეხვედრის შესახებ". მისი თქმით, "დღეს კოორდინაცია შედგა" ქვეყანაში არსებულ გამოწვევებთან მიმართებით."მსურს, ის შეჯერებული პოზიციები გაგაცნოთ, რაც არ გამორიცხავს იმას, რომ ინდივიდუალურმა პარტიებმა შემდგომ თავისი ხედვები წარადგინონ სხვანაირად, რაც ერთობლივად შეთანხმებული არ იქნება. ეს ასეთი ფორმის კოორდინაციაა, რომელიც დღეს იწყებს მუშაობას. უნდა ითქვას, რომ გუშინდელი პროტესტი ძალიან დიდ იმედს გვაძლევს და ადასტურებს იმას, რომ ხელისუფლების რეპრესიულმა პოლიტიკამ ვერ შეძლო და ვერ დაშალა ეს პროტესტი. პროტესტი არსებობს საზოგადოებაში და როდესაც ეძლევა საშუალება, რომ უფრო ძლიერად გამოჩნდეს, გამოჩნდება. ის არის მუდმივი და არაფერი და ვერავინ ვერ აშინებს ამ პროტესტის მონაწილეებსა და საზოგადოებას", - განაცხადა სალომე ზურაბიშვილმა,მისი სიტყვებით, "კოორდინაციის წესები ეფუძნება გუშინ, 31 მარტს, პარლამენტის წინ საპროტესტო აქციაზე სიტყვით გამოსვლისას ნახსენებ, პროევროპული პოლიტიკური სპექტრის მონაწილეობით წარმოდგენილ "წინააღმდეგობის პლატფორმას". ასევე ნახეთ შეიქმნას წინააღმდეგობის პლატფორმა პროევროპული სპექტრის მონაწილეობით - ზურაბიშვილის ინიციატივა სალომე ზურაბიშვილისვე განცხადებით, ევროსაბჭოში 7 აპრილიდან იხსნება სესია, "სადაც იქნება მიღებული საქართველოზე, ალბათ, ძალიან მკაცრი რეზოლუცია"."სწორედ პოლიტიკური პატიმრების საკითხი იქნება პირველ პლანზე. ალბათ, ასევე ყველა ის ახალი კანონი, რაც მიღებულია ამ დღეებში, რომელიც ცდილობს, რომ, ერთ მხრივ, FARA-თი მთელი არასამთავრობო ორგანიზაცია და სამოქალაქო საზოგადოება ჩაახშოს, მაგრამ ამის მიმართაც მოინახება გზები და ამაზე ვმუშაობთ, რომ ეს გზები იყოს მონახული. ჩვენ არავითარ შემთხვევაში არ ჩავთვალოთ, რომ იმიტომ, რომ ხელისუფლება იღებს ყოველდღიურად ახალ რეპრესიულ კანონებს, ეს იმის ნიშანია, რომ ის რამენაირად ძლიერდება. არა, პირიქით, ძლიერდება პროტესტი იმიტომ, რომ უფრო მეტი ხალხი ხვდება იმას, თუ რას აკეთებს ეს ხელისუფლება, რა მიმართულებით მიდის. უფრო მეტი ხალხი უერთდება იმ ჩვენს გზავნილს და იმ გზას, რომელიც გუშინ გამოვაცხადე და რომელიც ასახავს აქ შემოსული პარტიების ერთიან პოლიტიკას, რომ ჩვენ მივდივართ არჩევნების გზაზე, მშვიდობიან გზაზე", - თქვა სალომე ზურაბიშვილმა. ასევე ნახეთ „ოცნებამ“ მესამე მოსმენით მიიღო FARA, შეცვალა მედიის კანონი, ამოიღო „გენდერი“ და დააბრუნა „სამშობლოს ღალატის“ მუხლი როგორც შეხვედრის დაწყებამდე "კოალიცია ცვლილებისთვის" ერთ-...