„ჩვენ უნდა დავიცვათ რადიო თავისუფალი ევროპა/რადიო თავისუფლება. თუ მას არ დავიცავთ, ეს საჩუქარი იქნება ავტორიტარებისათვის მსოფლიოს მასშტაბით“, - განაცხადა ევროკომისარმა.„70 წელიწადია, რადიო თავისუფალი ევროპა/რადიო თავისუფლება აკეთებს იმას, რაც მის ლოგოზე წერია - საუბრობენ თავისუფალ ევროპასა და თავისუფლების ღირებულებებზე. ავრცელებენ იმედს მათთვის, ვინც ცენზურისა და მედიაზე სახელმწიფოს მწვავე კონტროლის ქვეშ ცხოვრობს“, - განაცხადა მან.„როდესაც პატარა გოგონა ვიყავი, ბულგარელებისათვის, ჩეხებისათვის, უნგრელებისათვის, პოლონელებისთვის, რუმინელებისთვის და, მოგვიანებით, იმ ადამიანებისათვის, ვინც საბჭოთა კავშირის ოკუპირებულ ქვეყნებში ვცხოვრობდით, აშშ-ის მიერ რადიო თავისუფლების დაფინანსება ჩვენი სმენისთვის ახალი ცხოვრების აღმოჩენა იყო“, - თქვა მარტა კოსმა და დასძინა, რომ ბოლო ორი ათწლეულია, მსოფლიო „თავისუფლების უკუსვლის ეტაპზეა“.მარტა კოსმა ასევე ისაუბრა აშშ-ში რადიო თავისუფლების მიერ წამოწყებულ სასამართლო დავაზე აშშ-ის გლობალური მედიის სააგენტოს წინააღმდეგ და თქვა, მიმდინარე წლის დაფინანსების შესახებ სასამართლოს გადაწყვეტილება საკვანძო იქნება ორგანიზაციის ოპერირების გაგრძელებისათვის.კომისარმა კოსმა ახსენა ასევე რადიო თავისუფლების ჟურნალისტი ალსუ კურმაშევა, რომელიც რუსეთის ფედერაციას 288 დღის განმავლობაში ჰყავდა დაპატიმრებული და 2024 წლის 2 აგვისტოს გაათავისუფლეს რუსეთსა და დასავლეთს შორის ტყვეთა გაცვლის ფარგლებში.„მსოფლიოს სჭირდება თავისუფალი ჟურნალისტები, ისეთები, როგორიც არის რადიო თავისუფლების რეპორტიორი ალსუ კურმაშევა, რომელიც რუსეთმა დააპატიმრა ცრუ ბრალდებებით“, - თქვა მან.მისი განცხადებითვე, მსოფლიოს სჭირდება, რომ ევროკავშირმა „მეტი საგანგებო მხარდაჭერა“ გაუწიოს რისკის წინაშე მყოფ ჟურნალისტებს.მისი განცხადებით, ევროკავშირის ფონდი, „ევროპული ფონდი დემოკრატიისათვის“ გააგრძელებს დამოუკიდებელი მედიის მხარდაჭერას არათავისუფალ გარემოში, მათ შორის მოლდოვაში, სადაც „რუსეთის ჩარევა მუდმივია“. მარტა კოსი ევროპარლამენტში მისი თქმითვე, ევროკავშირი უფრო ეფექტურად უნდა გაუმკლავდეს „საგარეო საინფორმაციო მანიპულაციასა და ჩარევას“.შეერთებული შტატების ფედერალურმა სასამართლომ 25 მარტს დააკმაყოფილა „რადიო თავისუფალი ევროპა/რადიო თავისუფლების“ მოთხოვნა და აშშ-ის გლობალური მედიის სააგენტოს (USAGM-ის) მიერ საგრანტო ხელშეკრულების გაწყვეტის შესახებ გადაწყვეტილების მოქმედება დროებით შეაჩერა.სასამართლოს 25 მარტით დათარიღებული განჩინების თანახმად, რომ USAGM-ის მიერ რადიო თავისუფლებისათვის საგრანტო ხელშეკრულების შეწყვეტა, - რაც ორგანიზაციის დახურვის პროცესის დაწყების წინაპირობაა, - სავარაუდოდ, თვითნებური და დაუსაბუთებელი იყო და სავარაუდოდ, არღვევს ადმინისტრაციული პროცედურების აქტ...