როგორც მან დედაქალაქის მთავრობის სხდომის დაწყებამდე თქვა, რეაბილიტაციის მოკლე ვადაში დასასრულებლად ხელშეკრულება დაიდო ბელარუსულ კომპანიასთან, შპს „პრობილდ ექსპერტთან“. კომპანიამ უნდა შეისწავლოს ბაქანსა და მეტროში ჩასასვლელი რკინაბეტონის კონსტრუქციები და შემუშავებული პროექტი.„მინდა საზოგადოებას ჰქონდეს სრული ინფორმაცია. არ მინდა ვინმემ იფიქროს, რომ ჩვენ გავურბივართ პრობლემებს. პირიქით, პირველი მე ვიღებ პასუხისმგებლობას და ჩვენ, ყველა, ვიღებთ პასუხისმგებლობას, რომ ამდენი ხნის განმავლობაში ვერ მოვახერხეთ ერთი მეტროსადგურის რეაბილიტაცია და განახლება“, - თქვა კახა კალაძემ. три წელიწადზე მეტია, შეჩერებულია მეტროსადგურ „ვარკეთილის“ რეაბილიტაცია. ამის შესახებ რადიო თავისუფლებას მასალა არაერთხელ მოუმზადებია. სამხარაულის სახელობის სასამართლო ექსპერტიზის ეროვნული ბიუროს დასკვნით, დახარვეზებულია განახლებული პროექტი, რომლის მიხედვითაც უნდა შესრულებულიყო სარეაბილიტაციო სამუშაოები.მეტროსადგურის სარეაბილიტაციო სამუშაოები 2022 წლის 21 დეკემბერს დაიწყო, კონტრაქტორმა შპს „ბადა ქონსთრაქშენმა“ საესკალატორო გვირაბის და მგზავრთა ჩასასხდომი ბაქნის თაღზე აზბესტ/ცემენტის ფილები ჩამოხსნა. გაირკვა, რომ არსებული მდგომარეობის გამო საჭირო ყოფილა იმ პროექტის განახლება, რომელზე დაყრდნობითაც უნდა განახლებულიყო სადგური.როგორც თბილისის სატრანსპორტო კომპანიამ რამდენიმე თვის წინ მისწერა შესყიდვების სააგენტოს, განახლებული პროექტისთვის ახალი დასკვნის მომზადება გახდა საჭირო. ლევან სამხარაულის სახელობის სასამართლო ექსპერტიზის ეროვნულმა ბიურომ პროექტის შესახებ დასკვნა 2024 წლის 29 აგვისტოს მოამზადა, თუმცა მისი შინაარსი შესყიდვების სააგენტოს ვებსაიტზე რამდენიმე თვის წინ გასაჯაროვდა. ასევე ნახეთ რატომ შეჩერდა მეტროსადგურ „ვარკეთილის“ რეაბილიტაციის პროცესი? ახალი ექსპერტული დასკვნის მომზადებაც სამხარაულის ბიუროს დაუკვეთეს, თუმცა სატრანსპორტო კომპანიას ბიურომ 2024 წლის 2 დეკემბერს აცნობა, რომ მათ მხოლოდ ნაწილის მომზადება შეეძლოთ, რადგან: „[რამდენიმე] საკითხზე მსჯელობა ბიუროს ამ ეტაპზე არ შეუძლია შესაბამისი ხელსაწყო-მოწყობილობების არქონის გამო“.სწორედ ამის გამო შეარჩია თბილისის მერიის სატრანსპორტო კომპანიამ ბელარუსული შპს „პრობილდ ექსპერტი“, რომელსაც 382 065 ლარს გადაუხდის. დასკვნა ოთხ თვეში უნდა მომზადდეს.შესყიდვების სააგენტოს ვებსაიტზე გამოქვეყნებული მონაცემების მიხედვით, ბოლო თვეებია, თბილისის მერიის სატრანსპორტო კომპანიას კონტრაქტორი „ბადა ქონსთრაქშენისთვის“ თანხა არ გადაუხდია. 2022 წლის 21 დეკემბერს​ ხელშეკრულება დაიდო 13,4 მილიონი ლარის მომსახურებაზე, აქედან კომპანიას მიღებული აქვს 3 მილიონ ლარამდე, თანხის 22 პროცენტი. ასევე ნახეთ ერთი წლის თავზეც ხარაჩოებში - &qu...