„მე მგონია, რომ „ოცნება“, მმართველი გუნდი რასაც აკეთებს, ეს არ არის ის, რომ მაინცდამაინც ოპტიმისტური და იდეალისტური მოლოდინები შეიქმნას და ფსონი გაკეთდეს ტრამპის [ადმინისტრაციის პირობებში აშშ-სთან ურთიერთობების შესაძლო ნორმალიზაციაზე]“, - განაცხადა მან.საზოგადოებრივი მაუწყებლის პოდკასტ „42-ე პარალელის“ 2 აპრილს გასულ ეპიზოდში ლუკა ეხვაიამ განაცხადა:„აქ მაინც მოზომილი რიტორიკაა, რაც ბოლო პერიოდში განსაკუთრებით შეინიშნება“, თქვა მან და ეს რიტორიკა შემდეგნაირად აღწერა: „აი, „დიპ სტეიტს“ თუ დაამარცხებს [ტრამპი], მაგრამ არ უჩანს ასეთი პირი, რომ „დიპ სტეიტი“ მარცხდება, შესაბამისად, ეს პოლიტიკა არ გადაიხედება“.„ეს რიტორიკა იმაზე მიუთითებს, რომ მზაობა, სავარაუდოდ, იმისთვის უკვე არსებობს, რომ მაინცდამაინც დამოკიდებულებები შეიძლება არ შეიცვალოს, არ გადაიხედოს და შენ უნდა ადაპტირდე ამ რეალობასთან“, - განაცხადა მან.ლუკა ეხვაია, - რომელიც აშშ-ის მიერ საქართველოსთან სტრატეგიული თანამშრომლობის გაწყვეტას მიიჩნევს „დიდ ნაბიჯად დეკოლონიზაციის გზაზე“ და თვლის, რომ საჭიროა, საქართველო რეგიონულ „3+3“ ფორმატში ჩაერთოს, - ყაველაშვილის მრჩევლად დაინიშნა საერთაშორისო ურთიერთობების საკითხებში. ასევე ნახეთ 6424 ლარი თვეში - ყაველაშვილის მრჩეველი საგარეო საკითხებში ტიკტოკზე „ფუკოს ქანქარის“ ავტორია იუტუბზე პოდკასტის ჩანაწერი გამოქვეყნდა 2 აპრილს, საღამოს საათებში, - იმ დროს, როდესაც ეხვაიამ ეს თქვა, შეერთებული შტატების სახელმწიფო დეპარტამენტის პირველი კომენტარი საქართველოს შესახებ დონალდ ტრამპის ადმინისტრაციის პირობებში ჯერ გავრცელებული არ ყოფილა.„აშშ-მა ნათლად დააფიქსირა ის ნაბიჯები, რომელთა გადადგმაც საქართველოს მთავრობას შეუძლია, რათა აჩვენოს, რომ სერიოზულად არის განწყობილი აშშ-თან ურთიერთობის გაუმჯობესებისთვის“, - განაცხადეს სახელმწიფო დეპარტამენტში.„რაც შეეხება „ქართული ოცნების“ მთავრობის მიერ განხორციელებულ განგრძობით ანტიდემოკრატიულ ქმედებებს – როგორც ვიცე-პრეზიდენტმა [ჯეი დი] ვენსმა მიუნხენში აღნიშნა, დემოკრატიული მანდატის მოპოვება ვერ მოხდება მოწინააღმდეგეების ცენზურით ან ციხეში ჩასმით, ასევე ვერ მოიპოვებთ მას, ძირითადი ელექტორატის პოზიციის უგულებელყოფით, თუ ვინ უნდა გახდეს ჩვენი საერთო საზოგადოების ნაწილი“, - მიიჩნევენ სახელმწიფო დეპარტამენტში. ასევე ნახეთ აშშ-ის სახელმწიფო დეპარტამენტის პირველი კომენტარი საქართველოზე ტრამპის პრეზიდენტობის პირობებში 2 აპრილსვე შეერთებული შტატების „ჰელსინკის კომისიის“ წევრებმა - შვიდმა კონგრესმენმა როგორც დემოკრატიული, ასევე რესპუბლიკური პარტიიდან - შეშფოთება გამოთქვეს იმის გამო, რომ საქართველოს მთავრობას ანაკლიის პორტის მნიშვნელოვანი წილი ჩინეთის სახელმწიფო კომპანიისთვის აქვს გადაცემული.„რუსეთთან თანამშრ...