ვასილ მაღლაფერიძე საზოგადოებრივი მაუწყებლის სამეურვეო საბჭოს თავმჯდომარეობის ერთადერთი კანდიდატი იყო - ის დაასახელა ბონდო მძინარაშვილმა, რომელიც უმრავლესობის მიღმა დარჩენილი დეპუტატების (მათ შორის „პატრიოტთა ალიანსის“) კვოტით მოხვდა სამეურვეო საბჭოში.მაღლაფერიძე რვა ხმით აირჩიეს. მის მიმართ ნეგატიური დამოკიდებულება კი ღიად გამოხატეს სამეურვეო საბჭოს დანარჩენმა (სამმა) წევრებმა: ლაშა ტუღუშმა, ლიკა ბასილაია-შავგულიძემ და ზაზა აბაშიძემ. три მაღლაფერიძე გასული სამი წლის განმავლობაშიც იკავებდა ამ თანამდებობას. სწორედ მის მიმართ გააჟღერა თანამშრომლების ნაწილმა სარედაქციო პოლიტიკაში ჩარევის შესახებ ეჭვები - სამეურვეო საბჭოს წევრს არ შეუძლია საინფორმაციო გამოშვების დაგეგმვასა და საკითხების გაშუქებაში ჩართვა, ამას მას „მაუწყებლობის შესახებ“ კანონი უკრძალავს. три დაახლოებით ორი კვირის წინ, 21 მარტს, სამეურვეო საბჭომ ვასილ მაღლაფერიძის ხელმძღვანელობით იმსჯელა იმ რამდენიმე თანამშრომლის (ვასილ ივანოვ-ჩიქოვანის, ნინო ზაუტაშვილის, კახა მელიქიძისა და გია იმნაიშვილის) განცხადებებზე, რომლებიც არხის სარედაქციო პოლიტიკას აკრიტიკებდნენ. საბჭოს წევრებმა (ვასილ მაღლაფერიძე, გია მურღულია, გიორგი კოხრეიძე, თამილა დოლიძე, ბონდო მძინარაშვილი, იზებელა ოსიპოვა, გიორგი იაკობაშვილი, სოსო სტურუა) პროკურატურის ჩართულობა და აღნიშნული ჟურნალისტების საქმის შესწავლა მოითხოვეს. ასევე ნახეთ „საზოგადოებრივი მაუწყებლის“ სამეურვეო საბჭო პროკურატურით დაემუქრა კრიტიკულად განწყობილ თანამშრომლებს გადაცემა „რეალური სივრცის“ წამყვან ნინო ზაუტაშვილს, რომლის წინააღმდეგაც 21 მარტს სამეურვეო საბჭოს სხდომაზე ისაუბრეს, სხდომაზე დასწრება სურდა. როგორც მან ჟურნალისტებს უთხრა, დაპირების მიუხედავად, მას ამის შესაძლებლობა არ მისცეს.ვასილ მაღლაფერიძის შესახებსამეურვეო საბჭოს წევრად არჩევამდე, მაღლაფერიძე იყო ამავე ტელევიზიის გენერალური დირექტორი, თუმცა მაუწყებლიდან წასვლასა და დაბრუნებას შორის, 2021 წლის იანვარ-მარტში, იყო პარტია „ქართული ოცნების“ თავმჯდომარის მოადგილე.საზოგადოებრივი მაუწყებლის ვებგვერდზე, ბორდის თავმჯდომარის ბიოგრაფიაში, არ წერია, რომ ვასილ მაღლაფერიძე გარკვეული პერიოდი „ქართული ოცნების“ თავმჯდომარის მოადგილე იყო. ამონარიდი სამეურვეო საბჭოს თავმჯდომარის ბიოგრაფიიდან ვასილ მაღლაფერიძე სამეურვეო საბჭოს წევრობის კანდიდატად „ქართულმა ოცნებამ“ წარადგინა. ამავე პარტიის წევრთა ხმებით, ის მეურვე 2022 წლის 13 აპრილს გახდა. მისი არჩევის მომხრე 83 დეპუტატი იყო, წინააღმდეგი - 19.მაღლაფერიძეს მრავალფეროვანი ჟურნალისტური და მენეჯერული კარიერა აქვს, მათ შორის, ბოლოს იყო „ქართული ოცნების“ დამფუძნებლის, ბიძინა ივანიშვილის ოჯახის ტელევიზიებში წამყვან თანამდებობებზე. ამ ტელევიზიებში მუშ...