შეერთებულ შტატებს არ აქვს განზრახული ნატოს დატოვება და პრეზიდენტი დონალდ ტრამპი მხარს უჭერს ალიანსს. ამის შესახებ აშშ-ის სახელმწიფო მდივანმა მარკო რუბიომ ხუთშაბათს, ბრიუსელში ნატოს საგარეო საქმეთა მინისტრების შეხვედრის დაწყებამდე, განაცხადა.რუბიომ დაგმო, როგორც მან თქვა, მედიის მიერ გავრცელებული გამოგონილი ისტორია, თითქოს დონალდ ტრამპს შეერთებული შტატების ნატოდან გაყვანა სურდეს.რუბიომ კვლავ გაიმეორა დონალდ ტრამპის მოთხოვნა, რომ კავშირის ყველა წევრმა სახელმწიფომ მთლიანი შიდა პროდუქტის (მშპ) მინიმუმ 5% უნდა დახარჯოს თავდაცვაზე. სახელმწიფო მდივანმა ხაზი გაუსვა, რომ ეს შეერთებულ შტატებსაც ეხება. ჯერჯერობით ნატოს არცერთ ქვეყანას არ მიუღწევია ხარჯების ასეთი დონისთვის. ალიანსის ქვეყნებისთვის თავდაცვის ხარჯების ამჟამად ოფიციალურად რეკომენდებული დონე მშპ-ს 2%-ია და მხოლოდ რამდენიმე ქვეყანამ გამოაცხადა მზადყოფნა გაზარდოს იგი 3%-მდე.უფრო ადრე ნატოს წევრი ქვეყნების მიერ თავდაცვის ხარჯების გაზრდას მხარი ნატოს გენერალურმა მდივანმაც დაუჭირა. ასევე ნახეთ რიუტე: ნატოს ქვეყნებმა თავდაცვაზე უფრო გონივრულად უნდა ხარჯონ ან მშპ-ის 3,7 პროცენტი გაიღონ ალიანსის საგარეო საქმეთა მინისტრების შეხვედრაზე ბრიუსელში, მარკ რიუტეს თანახმად, განხილვის ერთ-ერთი თემა იქნება კავშირის წევრი ქვეყნების ტერიტორიის დაცვა რუსეთის საფრთხისგან. ნატოს გენერალური მდივნის აზრით, რუსეთისგან მომდინარე საფრთხე იარსებებს იმ სამშვიდობო შეთანხმების შემდეგაც, რომელმაც უნდა დაასრულოს ომი უკრაინაში. რიუტემ ხაზგასმით აღნიშნა, რომ იგი შეერთებულ შტატებს საიმედო მოკავშირედ მიიჩნევს.თავის პირველ საპრეზიდენტო ვადაში, ტრამპმა გააკრიტიკა ევროპა თავდაცვის არასაკმარისი ხარჯების გამო და ეჭვქვეშ დააყენა თანამშრომლობის სამართლიანობა ნატოს ფარგლები. ამან გამოიწვია დაძაბულობა ევროპელ მოკავშირეებს შორის. ტრამპის აშშ-ის პრეზიდენტად დაბრუნება ევროპაში შეშფოთებას იწვევს, რადგან მან შესაძლოა გადახედოს უკრაინის მხარდაჭერას - უკრაინა ვაშინგტონისგან მნიშვნელოვან სამხედრო დახმარებას იღებს. ...