ხარკოვის საავადმყოფოში გარდაიცვალა 88 წლის კაცი, რომელიც მძიმედ დაშავდა საცხოვრებელ კორპუსზე რუსული დრონით დარტყმის შედეგად. ამის შესახებ ხარკოვის საოლქო-სამხედრო ადმინისტრაცია იუწყება.მანამდე დადასტურებული იყო ოთხი ადამიანის სიკვდილი. ხარკოვზე დრონებით შეტევის შედეგად დაშავებულია 30-ზე მეტი ადამიანი.საოლქო პროკურატურის ინფორმაციით, გასულ ღამით ერთ-ერთი დრონი მოხვდა ორსართულიან სახლს, რომლის ერთი სადარბაზო მთლიანად დაინგრა. დაზიანებულია 30-მდე მრავალსართულიანი სახლიც.გასულ ღამით დრონებით შეტევა იყო კიევისა და ზაპოროჟიეს ოლქებზეც, სადაც, სულ მცირე, სამი ადამიანი დაშავდა. ასევე ნახეთ რუსეთიდან 100-ზე მეტი დრონით შეტევისა და მსხვერპლის შესახებ იუწყებიან უკრაინის საჰაერო ძალების სარდლობის მიერ დღეს, 4 აპრილს, გამოქვეყნებული ინფორმაციით, რომელიც სხვა წყაროებით გადამოწმებული არ არის, გასული საღამოდან დღეს დილამდე რუსეთმა გამოიყენა სხვადასხვა ტიპის 78 დრონი.სარდლობის თანახმად, საჰაერო და თავდაცვის ძალების ქვედანაყოფებმა 42 ე.წ. დამრტყმელი უპილოტო საფრენი აპარატი ჩამოაგდეს უკრაინის ჩრდილოეთ, აღმოსავლეთ და ცენტრალურ რეგიონებში, ხოლო 22 „უპილოტო-იმიტატორი ლოკალურად დაიკარგა ნეგატიური შედეგების გარეშე“. ...