უკრაინის საგარეო საქმეთა მინისტრმა ანდრი სიბიჰამ ნატოს წევრ სახელმწიფოებს მოუწოდა რუსეთზე ზეწოლის გაძლიერებისკენ, რათა მას მშვიდობა აიძულონ.სიბიჰამ ნატოს ქვეყნების საგარეო საქმეთა მინისტრებს 3 აპრილს, საღამოს მიმართა ბრიუსელში, ნატო-უკრაინის საბჭოს სხდომაზე. ამ ფორმატის შეხვედრაში პირველად მონაწილეობდა აშშ-ის სახელმწიფო მდივანი მარკო რუბიო.ნატო-უკრაინის საბჭოს სხდომა ჩატარდა ალიანსის ქვეყნების საგარეო საქმეთა მინისტრების შეხვედრის ფარგლებში, რომელიც ბრიუსელში 2-4 აპრილს მიმდინარეობდა.უკრაინის საგარეო საქმეთა სამინისტროს მიერ დღეს, 4 აპრილს, გავრცელებული ინფორმაციით, ანდრი სიბიჰამ განაცხადა, რომ მარტში უკრაინა უპირობოდ დაეთანხმა აშშ-ის წინადადებას 30 დღით ცეცხლის შეწყვეტის შესახებ, რუსულმა მხარემ კი ამას დამატებითი მოთხოვნებითა და პირობებით უპასუხა, რაც ადასტურებს, რომ რუსეთი მშვიდობის ერთადერთი შემაფერხებელი და ომის ერთადერთი წყაროა. ასევე ნახეთ აშშ-ის მოლაპარაკებები უკრაინასა და რუსეთთან - რა ვიცით უკრაინის საგარეო საქმეთა მინისტრმა ნატოს წევრი სახელმწიფოების საგარეო საქმეთა მინისტრებს გააცნო რუსეთის მიერ ენერგეტიკულ ობიექტებზე დარტყმების შეწყვეტის პირობის დარღვევის კონკრეტული შემთხვევები. თავის მხრივ, რუსეთი აშშ-ის შუამავლობით მიღწეული შეთანხმების დარღვევაში უკრაინას ადანაშაულებს, რასაც კიევი უარყოფს.ბრიუსელში გამოსვლისას სიბიჰამ განაცხადა, რომ უკრაინა მოითხოვს დარტყმების შეწყვეტას სამოქალაქო ინფრასტრუქტურაზეც. ასევე ნახეთ ხუთამდე გაიზარდა ხარკოვზე დრონებით შეტევის შედეგად დაღუპულთა რიცხვი უკრაინის საგარეო საქმეთა სამინისტროს ცნობითვე, მინისტრმა კიდევ ერთხელ გაიმეორა კიევის პრინციპული პოზიცია, რომელიც სამშვიდობო ძალისხმევის ფარგლებში განხილვას არ ექვემდებარება. კერძოდ, უკრაინა არასდროს აღიარებს რუსეთის მიერ თავისი ტერიტორიების ოკუპაციას, არ დათანხმდება უკრაინის არმიისა და თავდაცვისუნარიანობის შეზღუდვას და ვერცერთი მესამე მხარე ვერ დაბლოკავს უკრაინის მიერ ალიანსებისა და კავშირების არჩევას.სიბიჰამ ნატოელ კოლეგებს შეახსენა, რომ ალიანსში უკრაინის მომავალი წევრობა კონსტიტუციაშია დაფიქსირებული და დადასტურებულია ნატოს სამიტების შემაჯამებელი დოკუმენტებით.რუსეთი მოითხოვს, რომ უკრაინა ნატოს წევრი არ გახდეს. აშშ-ის პრეზიდენტ ტრამპის ადმინისტრაციაში არაერთხელ განაცხადეს, რომ უკრაინა ნატოს წევრი ვერ გახდება. ასევე ნახეთ პუტინის სპეცწარმომადგენელი: ვაშინგტონში შეხვედრებით „სამი ნაბიჯით" წინ წავიწიეთ პრეზიდენტ დონალდ ტრამპს ერთ-ერთ პრიორიტეტად გამოცხადებული აქვს უკრაინაში ომის დასრულება და ამ მიზნით აღადგინა ომის დაწყების გამო აშშ-ის მიერ რუსეთთან შეწყვეტილი კონტაქტები.უკრაინა და მისი ევროპელი მოკავშირეები მიი...