ქალაქ დნეპრში მანქანის აფეთქების შედეგად დაიღუპა ქალაქის მარცხენა სანაპიროს ადმინისტრაციის ხელმძღვანელი იური ფედკო.მანქანა, რომელშიც ფედკო და მისი მეუღლე იმყოფებოდნენ, ხუთშაბათს დილით აფეთქდა. ისინი საავადმყოფოში გადაიყვანეს. მძიმე მდგომარეობაში მყოფი იური ფედკო რამდენიმე საათის შემდეგ საავადმყოფოში გარდაიცვალა.პროკურატურამ ტერაქტის მუხლით აღძრა სისხლის სამართლის საქმე. გავრცელებული ინფორმაციით, საქმის გამოსაძიებლად შეიქმნა ერთობლივი საგამოძიებო კომისია ყველა სამართალდამცავი ორგანოს მონაწილეობით.გამომძიებლები განიხილავენ სამ ვერსიას: რუსეთის სპეცსამსახურების მიერ შეკვეთილი დანაშაული სახელმწიფოში სიტუაციის დესტაბილიზაციის მიზნით, მტრული ურთიერთობა მსხვერპლსა და სავარაუდო დანაშაულებრივ ჯგუფს შორის და მსხვერპლის პროფესიული საქმიანობა.წინა დღით ორი ადამიანი დაიღუპა კიევის ერთ-ერთ ბაზარში მომხდარი აფეთქების შედეგად. ასევე ნახეთ ორი ადამიანი დაიღუპა კიევის ბაზარში მომხდარი აფეთქების შედეგად ...