„ჩვენ ეჭვი არ გვეპარება ჩვენი სისტემის მდგრადობაში, თითოეული ჩემი კოლეგის სიმყარეში“, - განაცხადა ქადაგიძემ უზენაეს სასამართლოში კობახიძის სტუმრობისას 4 აპრილს.„სავარაუდოდ, აქ გათვლა კეთდება იმაზე, რომ თვითგადარჩენის ინსტინქტი გაძლიერდეს ინდივიდუალურ მოსამართლეში და ამან უზრუნველყოს ხელისუფლების ერთ-ერთი შტოს შიგნიდან ჩამოშლა“, - განაცხადა მან.მან თქვა, რომ აქამდე თვლიდა, „გარე აქტორების მოჭარბებული ზეწოლა და გამძაფრებული ინტერესი სასამართლოსა და მართლმსაჯულების სისტემის მიმართ, ძირითადად მიმართული იყო“ საზოგადოებაში სასამართლოს მიმართ უარყოფითი განწყობების ჩამოსაყალიბებლად.„თუმცა ბოლო პერიოდში, როგორც ჩანს, ეს სამიზნეები შეიცვალა“, - თქვა მან. მოსამართლეები, დიმიტრი გვრიტიშვილი და ლევან მურუსიძე ირაკლი კობახიძესთან შეხვედრაზე. მურუსიძეს დიდმა ბრიტანეთმა პერსონალური ფინანსური სანქციები დაუწესა ეს შეხვედრა დიდი ბრიტანეთის მიერ ქართველი მოსამართლეებისთვის, ლევან მურუსიძისა და მიხეილ ჩინჩალაძისთვის, სანქციების დაწესების შემდეგ შედგა, - ირაკლი კობახიძემ შეხვედრა გამართა იუსტიციის უმაღლესი საბჭოს წევრებთან და უზენაესი სასამართლოს მოსამართლეებთან.„პირადად ჩემი და საერთო სასამართლოების სახელით მინდა, უღრმესი პატივისცემა დავუდასტურო საქართველოს პრემიერ-მინისტრ ირაკლი კობახიძეს, მადლობა ვუთხრა მას უზენაეს სასამართლოში მობრძანებისთვის“, - ასე დაიწყო ნინო ქადაგიძემ სიტყვით გამოსვლა.მისი ხედვით, სანქციები „უხეშად ლახავს, როგორც სასამართლოს დამოუკიდებლობას, ისე თითოეული ინდივიდუალური მოსამართლის დამოუკიდებლობას“.მან ასევე განაცხადა, რომ მოსამართლეებს „ბოლო პერიოდში მუშაობა უწევთ გამუდმებული ბულინგის, შეურაცხყოფის პირობებში“, რასაც „ბოლო პერიოდში დაემატა უკვე შანტაჟის ენით საუბარი“. ასევე ნახეთ მოსამართლეების დასანქცირების შემდეგ კობახიძე იუსტიციის საბჭოს წევრებს და უზენაესის მოსამართლეებს შეხვდა ირაკლი კობახიძე პირველი პრემიერი არ არის, რომელიც სასამართლოს გავლენიან წევრებს ხვდება მოსამართლეებისთვის სანქციების დაწესების შემდეგ. ასევე მოიქცა 2023 წლის აპრილში ირაკლი ღარიბაშვილი, როცა აშშ-ის სახელმწიფო დეპარტამენტმა დაასანქცირა ქართველი მოსამართლეები. მაშინ, უზენაეს სასამართლოში გამართული შეხვედრის შემდეგ, ღარიბაშვილმა ბრიფინგი იუსტიციის უმაღლესი საბჭოს თავმჯდომარესთან, ნინო ქადაგიძესთან ერთად გამართა:„ჩვენ, როგორც მთავრობა და მე, როგორც პრემიერ-მინისტრი, ყველაფერს გავაკეთებ, რომ კიდევ უფრო მეტად გავაძლიერო თქვენი დამოუკიდებლობა, თქვენი თავისუფლება. ჩვენ მაქსიმალურ მხარდაჭერას აღმოვუჩენთ თქვენს ინიციატივებს, ახალ პროგრამებს. დღეს სასამართლო რომ გვაქვს თავისუფალი კორუფციისგან, ყოველგვარი ჩარევისგან, ზეწოლისგან, ეს, რა თქმა უნდა, ჩვენი გუნდის, ნ...