სულხან თამაზაშვილი 4 აპრილს, 20:00 საათზე წარუდგინეს საზოგადოებას „ქართული ოცნების“ მთავრობის მეთაურმა ირაკლი კობახიძემ და პრეზიდენტმა მიხეილ ყაველაშვილმა.რიჟვაძე, - რომელმაც გადადგომის შესახებ 4 აპრილის დილას ფეისბუკით ამცნო საზოგადოებას, - საღამოს გამართულ ბრიფინგს, სადაც მას მადლობა გადაუხადეს და თამაზაშვილი წარადგინეს, საერთოდ არ დასწრებია. მიხეილ ყაველაშვილი, ირაკლი კობახიძე და სულხან თამაზაშვილი. ბრიფინგზე არ არის თორნიკე რიჟვაძე თამაზაშვილს დიდი ბრიტანეთისა და ჩრდილოეთ ირლანდიის გაერთიანებულმა სამეფომ 2024 წლის 19 დეკემბერს დაუწესა სანქციები შსს-ის სხვა მაღალჩინოსნებთან, მათ შორის, მინისტრთან და სპეცრაზმის ხელმძღვანელებთან ერთად.თამაზაშვილი არ არის პირველი მაღალჩინოსანი, რომელსაც სანქცირების შემდეგ აწინაურებენ.მასთან ერთად სანქცირებული შინაგან საქმეთა მინისტრი ვახტანგ გომელაური სანქცირებიდან მეორე დღესვე, 20 დეკემბერს, ვიცე-პრემიერად დანიშნეს, მოგვიანებით კი დააჯილდოვეს.ამასთან, 31 იანვარს მიხეილ ყაველაშვილმა, გომელაურთან და სხვა სანქცირებულ პირებთან ერთად, სულხან თამაზაშვილიც დააჯილდოვა ღირსების ორდენით.ბრიტანეთის მთავრობის განმარტებით, მათ სანქციები დაუწესეს, რადგან პასუხისმგებელნი არიან ჟურნალისტებსა და მშვიდობიან დემონსტრანტებზე ძალადობრივ თავდასხმებზე. ასევე ნახეთ ბრიტანეთმა სანქციები დაუწესა მინისტრ გომელაურს, „ხარებას“ და პოლიციის სამ მაღალჩინოსანს თორნიკე რიჟვაძის გადადგომათორნიკე რიჟვაძემ 4 აპრილს მოულოდნელად დაწერა ფეისბუკზე, რომ თანამდებობას ტოვებს.გამოქვეყნებულ ტექსტში ის ამბობს, რომ სიახლის დროა, თუმცა რჩება „ქართული ოცნების“ ერთგულ ჯარისკაცად.რიჟვაძე „გამოცხადებული ნდობისთვის“ მადლობას უხდის ბიძინა ივანიშვილს, ირაკლი კობახიძესა და მიხეილ ყაველაშვილს, თანამშრომლებს, პარტიის წევრებს, გუნდსა და ბოლოს - აჭარის მოსახლეობას.თორნიკე რიჟვაძე 2018 წლის 21 ივლისს დაინიშნა აჭარის მთავრობის თავმჯდომარედ და მას შემდეგ ამ პოსტს იკავებდა. მისი წინამორბედი იყო ზურაბ პატარიძე, რომელიც ამ პოსტიდან აზერბაიჯანში ელჩად დაინიშნა.ჯერ უცნობია, სად გააგრძელებს რიჟვაძე მუშაობას.თავად რიჟვაძე აჭარის მთავრობის თავმჯდომარეობამდე იყო:ენერგეტიკის მინისტრის მოადგილე;ასევე „საქართველოს ენერგეტიკის განვითარების ფონდის“ დირექტორი;2014-16 წლებში აჭარის მთავრობის ეკონომიკური საბჭოს მრჩეველი საინვესტიციო და ეკონომიკურ საკითხებში;2010-2011 წლებში მუშაობდა გაეროს მიგრაციის საერთაშორისო ორგანიზაციაში, დამსაქმებლებთან ურთიერთობის კოორდინატორის პოსტზე.საკადრო ცვლილებები აჭარაში„ქართული ოცნების“ გუნდში, სახელმწიფო თანამდებობებზე ცვლილებებია.რიჟვაძის გადადგომის შემდეგ თანამდებობა დატოვა აჭარის პოლიციის დეპარტამენტის დირექტორმა გრიგოლ ბესელიამ.ის შეცვალ...