2024 წლის საპარლამენტო არჩევნების, რომელზე უკეთეს შედეგსაც ელის კობახიძე, ლეგიტიმაცია არ უცნია ბარიერგადალახულ არცერთ ოპოზიციურ პარტიას, არც საქართველოს მეხუთე პრეზიდენტსა და არასამთავრობო ორგანიზაციებს. კითხვები აქვთ საერთაშორისო პარტნიორებსაც და უკვე ოთხ თვეზე მეტია, უწყვეტი აქციები იმართება ახალი არჩევნების ჩატარების მოთხოვნით.„ჩვენ გვაქვს ამბიცია, რომ შეგვიძლია იმაზე მაღალი შედეგის მიღებაც კი, ვიდრე მივიღეთ საპარლამენტო არჩევნებში. დღევანდელი კვლევები ამაზე მიუთითებს. დღევანდელი კვლევების თანახმად, ჩვენი რეიტინგი კიდევ უფრო მეტად არის გაუმჯობესებული. დანარჩენი არის ოპოზიციის საქმე. ასეც და ისეც ოპოზიცია არის განწირული ძალიან მძიმე მარცხისთვის 64-ვე მუნიციპალიტეტში. ჩვენ აუცილებლად მოვიგებთ როგორც მერის, ასევე საკრებულოს არჩევნებს 64-ვე მუნიციპალიტეტში მთელი ქვეყნის მასშტაბით“, - თქვა კობახიძემ.უფრო ადრე, 27 მარტს მისმა თანაგუნდელმა მამუკა მდინარაძემ თქვა, რომ „კოლექტიური ნაცმოძრაობა“, რომელშიც „ქართული ოცნება“ მთავარ ოპოზიციურ პარტიებს მოიაზრებს, „არათუ თვითმმართველობის არჩევნებში, არამედ ამ ქვეყანაში ჩატარებულ ვერცერთ არჩევნებში მონაწილეობას ვეღარ მიიღებს“, რადგან „ისინი არაკონსტიტუციურ პარტიებად გამოცხადდებიან და აეკრძალებათ საქმიანობა“.„ისინი ჯერ კიდევ ლაპარაკობენ, რომ არ მიიღებენ მონაწილეობას თვითმმართველობის არჩევნებში. სინამდვილეში, განა არ მიიღებენ, ვერ მიიღებენ თვითმმართველობის არჩევნებში მონაწილეობას! ამას უზრუნველყოფს ქართული სახელმწიფო და მისი კონსტიტუციური წესრიგი...“ - თქვა მდინარაძემ 27 მარტს. ასევე ნახეთ მამუკა მდინარაძე: „ნაცმოძრაობა“ და მისი სატელიტები ვერ მიიღებენ არჩევნებში მონაწილეობას! საქართველოს კანონმდებლობის მიხედვით, მომდევნო თვითმმართველობის არჩევნები წელს, 2025 წლის ოქტომბერში უნდა გაიმართოს. ჯერ უცნობია, რომელი ოპოზიციური პარტია გადაწყვეტს არჩევნებში მონაწილეობას. ...