პარტიის თავმჯდომარემ, ოზგურ ოზელმა, 6 აპრილს რიგგარეშე ყრილობაზე გამოსვლისას განაცხადა, რომ თურქეთის ქალაქებში აქციები ყოველ უქმე დღეებში გაიმართება. სააგენტო Reuters-ის ცნობით, სტამბოლში, რომლის მერიც ექრემ იმამოღულუ იყო, საპროტესტო აქციები გაიმართება ყოველ ოთხშაბათსაც.ოზგურ ოზელმა, რომელიც 6 აპრილს გამართულ ყრილობაზე პარტიის თავმჯდომარედ ახალი ვადით აირჩიეს, კვლავ განაცხადა, რომ მოითხოვენ ვადამდელი საპრეზიდენტო არჩევნების ჩატარებას არაუგვიანეს ნოემბრისა.„რესპუბლიკურმა სახალხო პარტიამ“ ექრემ იმამოღლუს გათავისუფლებისა და ვადამდელი საპრეზიდენტო არჩევნების მოთხოვნებით ხელმოწერების შეგროვებაც დაიწყო. ასევე ნახეთ დაძლევს თუ არა ერდოანი თავისი მეტოქის დაკავების შემდეგ დაწყებულ საპროტესტო მოძრაობას? სტამბოლის მერი, თურქეთში ერთ-ერთი ყველაზე პოპულარული პოლიტიკოსი, 53 წლის ექრემ იმამოღლუ 19 მარტს დააკავეს კორუფციის ბრალდებით. თურქული მედიის ცნობით, იმამოღლუს წინააღმდეგ გამოძიება მიმდინარეობს ტერორიზმის ხელშეწყობის საქმეზეც.ოპოზიციონერი პოლიტიკოსი ბრალდებებს უარყოფს და აცხადებს, რომ დანებებას არ აპირებს. ექრემ იმამოღლუს მომხრეები პრეზიდენტ ერდოანს პოლიტიკური მეტოქის დევნაში ადანაშაულებენ.23 მარტს სასამართლომ იმამოღლუს წინასწარი პატიმრობა შეუფარდა. ის ჩამოაშორეს სტამბოლის მერის თანამდებობასაც. იმავე დღეს „რესპუბლიკურმა სახალხო პარტიამ“ ექრემ იმამოღლუ პრეზიდენტობის კანდიდატად დაასახელა.იმამოღლუს დაპატიმრებამ მრავალათასიანი საპროტესტო აქციები გამოიწვია. დემონსტრანტები ოპოზიციონერი პოლიტიკოსის გათავისუფლებას და ვადამდელ საპრეზიდენტო არჩევნებს მოითხოვენ.თურქეთის შსს-ს მონაცემებით, დაკავებულია აქციების 2000-მდე მონაწილე. პრეზიდენტმა რეჯეპ ტაიპ ერდოანმა ქვეყანაში დაწყებული დემონსტრაციები დაგმო და „ძალადობის მოძრაობა“ უწოდა. ასევე ნახეთ სტამბოლის მერის დაკავებამ ხალხი ქუჩაში გამოიყვანა - ვინ არის ექრემ იმამოღლუ ...