სხდომის დაწყებიდან დაახლოებით ნახევარ საათში ერთ-ერთმა ადვოკატმა, გუჯა ავსაჯანიშვილმა, თქვა, რომ ბრალდებულებს დენი არტყამდა.„მე დღეს ვზივარ იმ პროცესზე, სადაც ორ ბრალდებულებს დენი ურტყამს. როგორ ვთქვა, რომ მე ვარ ადვოკატი, როცა ვიცი, რომ მათ დენი ურტყამთ და მათ სიცოცხლეს საფრთხე ექმნებათ; ვიცი, რომ ეს პრობლემა ამ დარბაზში ექვსი წელია არის, მაგრამ მინდა, რომ ჩემი დაცვის ქვეშ მყოფის უსაფრთხოება დაცული იყოს“, - თქვა სხდომაზე ავსაჯანიშვილმა, რომელიც ნიკოლოზ ჯავახიშვილის უფლებებს იცავს.три ასევე ნახეთ ჯგუფური ძალადობისთვის დაკავებულები - ვის და რას ედავებიან პროევროპული აქციების შესახებ„ქართული ოცნების“ მთავრობისთვის ნდობის გამოცხადების დღიდან, 2024 წლის 28 ნოემბრიდან, საქართველოში იმართება ხალხმრავალი აქციები ახალი არჩევნების ჩატარების მოთხოვნით. მოქმედი პარლამენტის, მთავრობისა და პრეზიდენტის ლეგიტიმაციას არ ცნობენ ოპოზიციური პარტიები, არასამთავრობო ორგანიზაციები და საქართველოს მეხუთე პრეზიდენტი. კითხვები აქვთ პარტნიორებსაც.ირაკლი კობახიძემ თავისი გუნდისთვის ნდობის გამოცხადების შემდეგ განაცხადა, რომ მომდევნო ოთხი წლის განმავლობაში „ქართული ოცნება“ აღარ იქნება ინიციატორი ევროკავშირთან მოლაპარაკებების გახსნის - სწორედ ეს გახდა მიზეზი, რამაც ქუჩაში ხალხი გამოიყვანა - აქციები ოთხ თვეზე მეტია უწყვეტად გრძელდება. ამ დროის განმავლობაში პოლიციამ ათობით ადამიანი დააკავა სისხლის სამართლის წესით, ასობით ადამიანი კი - ადმინისტრაციული წესით. ...