21-წევრიან უმაღლეს საბჭოში, „ქართულ ოცნებას“ 13 დეპუტატი ჰყავს, ოპოზიციიდან დარჩენილია - ორი („გახარია - საქართველოსთვის“), ექვსმა ოპოზიციონერმა კი მანდატებზე უარი თქვა. ოპოზიცია არ ცნობს 2024 წლის არჩევნების ლეგიტიმაციას.„სხდომაზე, ყურადღება გამახვილდა საინვესტიციო პროექტებზე, ჯანმრთელობის, სოციალური დაცვის, განათლების, კულტურის, ტურიზმისა და სოფლის მეურნეობის მიმართულებით დაგეგმილ მნიშვნელოვან ღონისძიებებზე. კენჭისყრამდე, კანდიდატებმა უპასუხეს კანონმდებელთა შეკითხვებს, მოისმინეს მათი მოსაზრებები და წინადადებები“, - წერია აჭარის უმაღლესი საბჭოს პრესსამსახურის გავრცელებულ განცხადებაში. ასევე ნახეთ აჭარის უმაღლესი საბჭოს ექვს დეპუტატს უფლებამოსილება შეუწყვიტეს სულხან თამაზაშვილის წინამორბედმა, თორნიკე რიჟვაძემ, 4 აპრილს სოციალურ ქსელში მოულოდნელად დაწერა თანამდებობის დატოვების შესახებ. ფეისბუკში გამოქვეყნებულ პოსტში მან თქვა, რომ სიახლის დრო იყო და რომ რჩებოდა „ქართული ოცნების“ ერთგულ ჯარისკაცად.მის შემცვლელად „ქართულმა ოცნებამ“თბილისის პოლიციის დეპარტამენტის უფროსი სულხან თამაზაშვილი შეარჩია. თამაზაშვილს დიდი ბრიტანეთისა და ჩრდილოეთ ირლანდიის გაერთიანებულმა სამეფომ 2024 წლის 19 დეკემბერს დაუწესა სანქციები, შსს-ის სხვა მაღალჩინოსნებთან, მათ შორის, მინისტრსა და სპეცრაზმის ხელმძღვანელებთან ერთად. ასევე ნახეთ აჭარის მთავრობის თავმჯდომარედ პოლიციის სანქცირებული მაღალჩინოსანი სულხან თამაზაშვილი ინიშნება ...